На 15-ти мај 2025 година, во CoWork 21, успешно се одржа првата sales работилница организирана од KARIERA.mk, која предизвика огромен интерес и собра одлични повратни реакции од сите присутни.

Овој настан го водеше нашата специјална гостинка и предавачка, извонредната Suzanne Pazit Geva – интернационален експерт за продажба и лидерство, со богато портфолио од соработки со светски гиганти како VISA, Orange, Chanel, TUI, како и бројни компании од сферата на е-commerce, retail, криптовалути и онлајн казино индустријата.

Со повеќе од дваесет години искуство во водење на продажни операции, развој на тимови и креирање високоефикасни стратегии, Suzanne ги сподели своите знаења и тајни за високо ефективна продажба во новата дигитална ера. Посебен акцент стави на пристапи ориентирани кон резултати, градење доверба со клиентите и постигнување долгорочен бизнис раст.

Учесниците имаа можност да добијат вредни увиди за:

• Актуелните трендови во продажбата за 2025 година
• Стратегии за ефективна комуникација и преговарање
• Начини за изградба на инспиративни и успешни тимови
• Пристапи за справување со предизвиците во брзорастечки индустрии

Работилницата беше наменета за сите професионалци вклучени во продажбата – од стартап ентузијасти до искусни корпоративни играчи, како и од е-commerce и услужниот сектор.

Компании кои испратија свои тимови на работилницата беа: Unija Smart Accounting d.o.o.e.l, KosovaJob, Agile Solutions, Silver Leads Solutions, Pikasa, NLB Banka, A1 Makedonija, Limitless Solutions, xSoft Software Development, AD Verbum, Dounat Factory, Afterwork, Lazov Badeva attorneys, Mobiklinik plus, ProCredit Bank, Cargo-partner logistics, Little Star Media LTD, AMSM, Octotasker LLC.

Настанот не само што ги исполни очекувањата, туку и постави високи стандарди за идни слични едукативни активности.

Ви благодариме за вашето присуство и одличната енергија!

Погледнете дел од атмосферата и се гледаме на следната работилница!

Драги Иванов, кој мината година издаде четири песни, ‚‚Успеав‘‘, ‚‚Крута‘‘, ‚‚Спас‘‘ и ‚‚Усни‘‘, вчера, сабота, на 10ти Мај издаде албум на кои им дава нов облик на овие четири песни и шест нови кои заедно го прават ‚‚Небо‘‘. Како и со досегашната негова музика, тој е одговорен за текстовите и музиката, изведбата, аранжманот и продукцијата на песните. Матеја Николиќ е одговорна за графичкиот дизајн, а Сара Стојчевска за сликата.

Во зависност од тоа каде слушате музика, ‚‚Небо‘‘ може да го чуете или на Spotify:

или пак на YouTube:

Некои од песните имаат никулци многу одамна, од пред речиси петнаесет години, додека свирел во својот прв бенд, Ден Рајс, некои од пред шест години, додека патувал да ја посети неговата сестра, некои пред три години, додека работел во сосем друго студио, но големиот дел музички идеи и реализацијата на самите идеи се случиле низ поголемиот дел од 2024 година.

Како дел од албумот, песните што веќе беа издадени имаат мали промени и подобрувања, со што и тие песни имаат некоја своја нова свежина.

Како дел од најавата за албумот, Драги исто така имаше и слушачка промоција во Лабораториум, изминатиов петок, на 9ти Мај, каде се слушаше албумот во целост за прв пат.

Во случај да ја пропуштивте слушачката промоција, тој најавува и концертна промоција на самиот албум, заследете го на социјалните мрежи подолу за да може да дознаете кога ќе се случи и тоа.

Instagram: 

TikTok: 

Facebook: 

Доколку сакате да се потсетите на песните што Драги веќе ги има издадено, подолу се:

‚‚Усни‘‘:

‚‚Спас‘‘:

‚‚Крута‘‘:

‚‚Успеав‘‘:

Како традиција, каде што секогаш споделува благодарност за луѓето кои придонеле на некаков начин кон тоа што го прави, овој пат сподели:

‚‚Сите вие што одвоивте време да ме ислушате, да пробате да ме разберете и помогнете, за вашата подршка и бодрење во целиот процес и директната инволвираност во тоа да се роди ‚‚Небо‘‘, ви благодарам ❤️‘‘

За крај вели, ‚‚досега ова беше мој албум, од сега па натаму е и ваш‘‘.

Јана Стојановска е наш претставник на овогодинешниот интернационален Ѓурговденски Фестивал во Бања Лука кој оваа година го има своето 31 во издание. Дваесетина изведувачи од Црна Гора, Хрватска, Босна и Херцеговина, Бугарија, Србија, Литванија и Македонија донесуваат нови композиции за кои организаторот се надева дека ќе станат дел од секојдневието на генерацијата која расте и сака да расте заедно без никакви граници и препреки. Токму таква е и пораката која ја испраќа песната,, Наша Песна" која ја изведува нашата  единаесетгодишна Јана. 

Јана е ученик во V одделение при основното училиште Кузман Јосифовски - Питу во Скопје и од 2023 та е член е на хорот Златно Славејче. Автори на композицијата на Јана се Ристо Самарџиев и Давор Јордановски. 

Гласајте за „Наша песна" реден број 14 на нашата Јана ОВДЕ.