ФОТО: Навивачите на Шкендија го руинираа „Филип 2“!

Спорт

на 5.2016

Откако прво ја свиреа македонската химна, навивачите на новиот освојувач на Купот, Шкендија вечерва направија пустош на Националната Арена „Филип Втори", откако искршија се што им се најде на пат.

По триумфот на Шкендија со 2-0 во финалето на Купот против Работнички, навивачите од Тетово ја демолираа Арената, па по завршувањето на мечот во око паѓаат искршените столчиња, оштетениот тартан откако со факли ја запалија претходно фрлената хартија, а палеа и пред влезот на стадионот. Штетата која тие ја направија допрва ќе треба да се проценува.

Демолирањето на Арената е само кулминација на дивјачкото однесување на навивачите, кои тргнаа со исвиркување на националната химна, потоа со истакнување на транспарент со Илирида и со огромното количество на пиротехника што ја запалија на мечот, како и со погрдните скандирања за време на финалниот меч.

Сега на потег е Фудбалската федерација на Македонија (ФФМ) и дисциплинската комисија која треба да одреди казна за однесувањето на навивачите

Шкендија сигурно ќе добие парична казна од ФФМ за однесувањето на своите навивачи, но уште синоќа беше потегнато и едно друго прашање, дали овој клуб ќе добие дозвола да ги игра европските натпревари ова лето на нашиот најголем стадион во Скопје, кој во моментов е единствен лиценциран од УЕФА во државата.

ФОТО: sportmedia.mk

Митревски блескаше на голот во португалското дерби

Спорт

пред 5 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 6 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот