Познатата српска водителка, Ана Михајловски, добила ќотек минатата недела на еден од белградските сплавови.
Таа со својата сестра и пријателите дошле во клубот за да прослават роденден, но ноќната забава завршила со искубана коса и модринки.
За време на забавата, Михајловски, како што пишуваат српските медиуми, се качила на сепарето за да игра, по што дошол еден од обезбедувањето и и рекол дека мора да се симне и нормално да седне.
Таа му врати „Ало, не ме пипкај“, а тој изнервиран ја фатил за коса и ја турнал на столчето. Почнала жестока расправија меѓу повеќемина обезбедувачи со Ана и нејзините другарки, по што Ана ја фатиле за врат и ја фрлиле на маса. Потоа ја фатиле околу половината и ја исфрлиле од сплавот. Изворот на овие информации, кој се нашол на местото, додал дека била малку под дејство на алкохол, но обезбедувањето имало прегруб однос со неа.
Водителката потврдила дека се случил инцидент, но не открива детали.
– Би апелирала Градот Белград и државата Србија малку да се позанимаваат со обезбедувањето кое треба да се грижи за безбедноста на гостите. Ова што се случува не е нималку наивно, вели водителката.
