Пејачката и водителка Јулија Мациевска на социјалните мрежи и го честиташе роденденот на нејзината ќерка Андријана. Но, оваа објава не беше вообичаена роденденска порака туку емотивна и оптимистичка бидејќи Андријана боледува од канцер.

– И ова утро, сонце мајкино, започнува со помислата на тебе… ќе го славиме твојот ден, твојот роденден, кој ти е дар од бога. Денот кој ме потсеќа на мојот најголем подарок од бога, кога првпат го слушнав твојот плач, кога првпат те здогледав и се одушевив од моето бебе. Овој роденден се разликува од сите досега, зашто си ставена на големо искушение, а и ние со тебе, сонце наше. Ни претстои битка за која знам дека ќе ја изодиме, за која знам дека ќе победиме, како и многу пати досега. Ти нежна, ранлива, никогаш прегласна, никогаш наметлива, во својот свет… секогаш со разбирање и трпеливост за сите, секогаш спремна да голтне, никогаш да не повреди, никогаш да каже лош збор… Ти, сонце мое, и сега кога ги трпиш најголемите болки, велиш – ќе биде добро, ќе помине… свесна, присебна… велиш дури сега се соочив со стравот, дури сега го осеќам божјото водство и знам дека ова е за мое најголемо добро… Ќе се спријателам со канцерот и потоа ќе се поздравиме, како најдобри пријатели и ќе продолжиме секој по својот пат…  Љубов моја, нема да пишувам фермани, жалопојки, зашто доста испативме, но да ти ветам нешто малку е…ти знаеш, јас знам и те гледам како победник. Те сакаме со сето срце, јас и Стеф, пишува Јулија.

Потоа им упати благодарност до сите оние кои и дале поддршка, па им посака да бидат благословени од бога со љубов, здравје, радост и среќа.

– Прекрасни мои пријатели од бога дадени, моето срце ви е бескрајно благодарно, се чувствуваме благословено, јас и моето мало семејство – нашето Свето Тројство што испративте толку многу љубов, убави желби, поддршка за роденденот на мојата Андријана. Бескрајна благодарност на секој човек што ни се најде на патот. Јас и моето малечко семејство немаме зборови со кои можеме да ја искажеме благодарноста, затоа бидете ми благословени од бога со здравје, љубов, изобилство, радост и среќа. Благодарам толку многу, толку многу подадени раце, срца и енергија, додаде таа.

Фармацевтската компанија „АстраЗенека“ на Си-ен-ен ѝ доставила внатрешен извештај со детали за невролошката состојба која ја добила жената врз која била тестирана вакцината против коронавирус.

Волонтерката, кој претходно била здрава 37-годишна жена, „добила попречен миелитис“ откако примила втора доза од вакцината против коронавирус, се вели во извештајот. Таа беше хоспитализирана на 5 септември.

Во документот, означен како „прелиминарен извештај“, се вели дека учесничката во клиничкото испитување, откако ја примила втората доза, имала проблеми со одот, чувствувала слабост и болка во рацете, како и други симптоми, пренесува „Индекс“.

Извештајот е составен на 10 септември и испратен следниот ден до лекарите кои го спроведуваат клиничкото тестирање.

Минатата недела, „АстраЗенека“ пријави „необјаснета болест“ на волонтер во студијата и рече дека привремено ги прекинува клиничките испитувања. Тестирањето беше повторно започнато во саботата во Велика Британија, но не и во САД.

Резултатите од тестовите на разни можни вакцини ширум светот се следат многу внимателно, а вакцината развиена од „АстраЗенека“ во соработка со Оксфорд се смета за најсилен кандидат на глобалниот натпревар. По успешната прва и втора фаза од испитувањето, се кренаа надежи дека оваа вакцина може да биде една од првите на пазарот.

Во третата фаза од истражувањето учествувале околу 30.000 волонтери во САД, Велика Британија, Бразил и Јужна Африка. Ефективноста на вакцината и нејзината безбедност, проценка дали има негативни последици по здравјето – ова се сите предмети што се тестираат во оваа фаза, која може да трае неколку години.

Жена која живее во Велика Британија „доби попречен миелитис“ две недели по примањето на втората доза, а симптомите кои ги имаше беа тешкотии при одење, болка и слабост. Откако експертите ја испитале нејзината состојба, заклучиле дека вакцината може да продолжи да се тестира во Велика Британија и Бразил.

Главниот американски епидемиолог Ентони Фаучи во вторникот за Си-ен-ен изјави дека е „само прашање на време“ кога вакцината ќе продолжи да се тестира во САД. Тој додаде дека во моментот, болеста на волонтерката се смета за „еднократна појава“ и дека „би било невообичаено да се запре тестирањето во целост врз основа на една единствена болест“. Лекарите ќе бидат внимателни овие симптоми да не се појават кај други, потенцира тој.

„Мораме да бидеме особено внимателни и да видиме дали тоа ќе се повтори. Ако тоа се случи, тогаш тоа е сосема поинаква ситуација“, рече епидемиологот.

Заболената пациентка ја прими првата доза на вакцина против коронавирус на почетокот на јуни и немаше несакани ефекти. Втората доза ја прими на крајот на август, а на 2 септември го забележала првиот симптом: се сопнала додека трчала.

Следниот ден, таа развила симптоми кои вклучуваат тешкотии при одење, болка и слабост во рацете, болка и намалено чувство на торзото, главоболка и намалена способност да ги користи рацете, па завршила во болница.

Исто така, се наведува дека 37-годишната жена посетила невролог кој изјавил дека таа во минатото немала невролошки симптоми или хронични болести. Но, се додава дека засега има „ограничени информации за соодветната медицинска историја на субјектот“.

Ниту еден друг сличен случај не е дијагностициран меѓу другите волонтери на испитувањата, а според последните информации, неврологот изјавил дека волонтерката веќе се чувствувала подобро. По независно испитување, утврдено е дека оваа болест најверојатно не е поврзана со вакцината или нема доволно докази за да се утврди со сигурност дали болеста е поврзана со вакцината, се вели во извештајот.

Меѓутоа, сè уште има неодговорени прашања кои ја доведуваат во прашање транспарентноста на „АстраЗенека“. Компанијата откри дека имало „краток прекин“ на тестирањето во јули, кога се разболел друг волонтер. Во тој случај, учесникот во испитувањето за вакцини имал „недијагностициран случај на мултиплекс склероза“, што се сметало дека не е поврзано со вакцината. Тие не објаснија како дошле до тој заклучок или зошто молчеле за тоа повеќе од еден месец.

„Тоа се многу чувствителни прашања“, рече д-р Питер Хотек од Медицинскиот колеџ Бејлор.

Свети пророк Захариј е таткото на свети Јован Крстител.

Потекнуваше од свештеничкото Ароново племе. Син му Јован му беше даден кога тој и жена му Елисавета беа во поодминати години, како дете на верата, т.е. заради нивниот свет живот и цврстата вера во Бога.

Животот го заврши маченички, беше погубен од Иродовите војници покрај олтарот.

Св. прoрoк Захарија  бил началник на свeштeницитe oд рoдoт Авиeв, кoј ја држeл oсмата ждрeпка на служeњe вo eрусалимскиoт храм. Жeна му била Eлисавeта, ќeрка на Сoвија, сeстра на св. Ана, мајката на св. Бoгoрoдица. Вo врeмeтo на царoт Ирoд, чeдoубиeцoт, eдeн дeн служeл Захарија, спoрeд свoјата ждрeпка, вo храмoт eрусалимски. И му сe јавил вo oлтарoт ангeл Бoжји, oд кoгo Захарија гo oпфатилo страв. А ангeлoт му рeкoл: Нe бoј сe Захарија (Лк. 1). И ангeлoт му oбјавил на Захарија, дeка жeна му Eлисавeта ќe рoди син, спoрeд нивнитe мoлитви. А бeа двајцата стари, и Захарија и Eлисавeта. Кoга Захарија сe пoсoмнeвал вo збoрoвитe на нeбeсниoт вeсник, ангeлoт му рeкoл: Јас сум Гаврил кoј стoи прeд Бoга. И oнeмeл Захарија oд тoј час, и нe прoзбoрeл сè дoдeка нe му сe рoдил синoт, и дoдeка тoј нe напишал на штичка: Јoван му e имeтo. Тoгаш му сe oдврзалe устата и јазикoт нeгoви и тoј Гo вeличал Бoга. Пoдoцна, кoга сe рoдил Гoспoд Исус и кoга Ирoд пoчнал да ги убива дeцата вo Витлeeм, Ирoд испратил луѓe да гo најдат и синoт на Захарија и да гo убијат, затoа штo Ирoд чул за сè штo сe случилo сo Захарија и какo сe рoдил Јoван. Видувајќи ги вoјницитe, Eлисавeта гo зeла Јoвана в рацe – тoгаш имал гoдина и пoл – и пoбeгнала сo нeгo oд куќата; и бeгала пo камeнити и пусти мeста. А кoга ги видeла вoјницитe кај штo ја гoнат, таа ѝ пoвикала на гoрата: “Гoрo Бoжја, прими ја мајката сo дeтeтo!” И сe oтвoрила карпа и ги скрила вo сeбe мајката и дeтeтo. Ирoд разлутeн заштo Јoван нe бил убиeн нарeдил, та гo убилe Захарија прeд oлтарoт. Крвта Захариeва сe прoлила пo мeрмeрoт и сe стврднала какo камeн. Така oстанала какo свeдoштвo на злoстoрoт Ирoдoв. А таму кадe штo сe скрила Eлисавeта сo Јoван сe oтвoрила пeштeра, прoтeкла вoда и рoдна палма израснала сo Бoжја сила. Чeтириeсeт дeна пo смртта на Захарија сe упoкoила и блажeната Eлисавeта. И oстанал младeнeцoт Јoван вo пустината, хранeт oд ангeл и чуван oд Бoжјата прoмисла дo oнoј дeн кoга трeбалo да сe јави на рeката Јoрдан.