На 75 годишна возраст, почина актерката Сабина Ајрула Тозија.
Истакнатата македонска актерка Сабина Ајрула-Тозија, неодамна беше оперирана од тумор на мозокот, за кој дознала откако и се слошило на снимање на една серија, јавува а1он.
Операцијата беше околу Нова година, во Скопје.
Сабина Ајрула е родена на 17 април 1946 година во Скопје и е дел од златната генерација актери.
Во едно од последните интервјуа во 2014 година, за состојбата во Македонија, таа вели:
-Мислам дека ние не сме посебно подложни на делби. Ги има кај сите народи во разни историски периоди, а можеби најмногу денес. Поделбите се резултат на намери. Морам да споменам дека некогашниот систем инсистираше на обединување, често и со присила. Особено внимаваше на етничките хармонизирања, фамозното „братство и единство“. Увозниците на демократијата се скинаа подбивајќи се со овој поим. Сега имаме поделби по сите можни основи, етнички, партиски, класни… Тоа е погубно за мала земја, како што е нашата. Целта е јасна: полесно владеење со помалите општествени сегменти и промоција на принципот на стадо. Во оваа земја може да се создаде надеж само ако се појави некој или нешто што ќе обединува.
Извор: Весник.соm
