Откако Рама ги искритикува хотелиерите на југот ги намалија цените, достапни и бесплатни чадори и лежалки

Балкан

пред 3 месеци

Откако премиерот Еди Рама ги искритикува сопствениците на хотели за зголемените цени и до 30 отсто споредено со минатата сезона, посебно во јужниот дел на албанското крајбрежје, што придонесе за помала посетеност, цените почнаа да ги намалуваат.

Денеска тој постираше видео запис од исчистени плажи во Валона, на кои се поставуваат чадори за сонце и лежалки, кои туристите ќе ги користат бесплатно.

– Со систематизацијата на јавната плажа во Валона, каде не само што се нуди бесплатен простор, туку и бесплатни чадори и лежалки за сите туристи кои сакаат да уживаат на брегот, ви посакувам убав ден, напиша Рама на Фејсбук, најавувајќи вакви активности и во другите туристички места.

Претходно медиумите пренесоа информација, а не изостанаа и негативни коментари на социјалните мрежи, за високите цени, што биле причина и за намалената посетеност.

– Пред две недели беше тешко да се обезбеди евтин хотел во Саранда за крајот на јули или август.

Цените почнуваа од 60 евра само за сместување, додека за Ксамил најевтината цена беше 80 евра за ноќевање. Цените на сместувањето на почетокот на сезоната се зголемија за 25-30 отсто.

Но, се чини дека растот на цените веднаш ја намали побарувачката, предизвикувајќи спротивна реакција, наведува списанието Монитор.

По средата на Рама со хотелиерите цените почнаа да се намалуваат, така што двокреветната соба сега се нуди по цена од 130 или 150 евра, со обезбеден појадок и вечера, лежалки и чадор на плажа, како и паркинг.

За разлика од изминатите сезони, кога лежалките беа бесплатни, ова лето на некои од плажите цените почнуваа од 2 илјади лека (20 евра) до 15. 000 лека (150 евра).

– Туристичките оператори известуваат дека бројот на посетители на југот од земјава, иако на добро ниво, не е во рамките на очекувањата што ги имаа и затоа од ден на ден се зголемува бројот на објекти кои ги намалуваат цените.

Згора на тоа, недостигаат локални туристи кои покажале тенденција да резервираат во странство во земји како Грција или Турција, наведуваат медиумите.

Исто така, на албанското крајбрежје сега има помало присуство на косовски Албанци кои, од една страна, се во помал број како резултат на визната либерализација и нивната определба одморот да го минат во други држави, а од друга страна, се смета дека влијание имаат зголемените цени и намалената вредност на еврото.

Во шпицот на сезоната, односно остатокот од јули до 20 август, хотели во Ксамил нудат пакети сместување со два оброка за 65-75 евра по лице.

Коста К: Сакам да бидам психопат

Балкан

пред 9 часа

Детето кое изврши масовно убиство во ОУ „Владислав Рибникар“ во Србија на денешното судење изјавило дека пукало во врсниците затоа што „било под притисок на родителите“, објави Телеграф.рс.

Освен што вината повторно ја префрлил на родителите, тоа, според информациите до кои дојде Телеграф.рс, кажало и дека „сакало да биде психопат“.

Претходно, тоа наводно пред обвинителството и судот изјавило дека масовното убиство го извршил со двата пиштоли на неговиот татко, кои како што раскажа „лесно ги нашло во плакарот во станот и два дена пред злосторството ги префрлил во својата соба.” Потоа потврдил дека татко му го однел на стрелиштето и му рекол дека е „горд на начинот на кој пука, на неговата техника и прецизност“.

„Да го немав пиштолот на татко ми, немаше да го направам масакрот. Оружјето ми беше на дофат – наводно изјавил при сведочењето К.К.

И на последното судење тоа немаше убави зборови за мајка си. Рече дека таа барала тој да биде најдобар во се и дека нејзиното однесување било повод за тој вооружен да оди во „Рибникар“ и да пука во школските другари.

Не сакам да гледам слики од децата што ги убив, изјави момчето убиец од Рибникар

Балкан

пред 13 часа

Коста Кецмановиќ, момчето убиец кое на 3 мај минатата година уби девет врсници и училишен работник за обезбедување во училиштето „Владислав Рибникар“ за време на рочиштето во истрагата одбил да ги погледне фотографиите на убиените во масакрот што призна дека го извршил, дознава српски Курир.

– Не ги видов сликите по 3 мај минатата година – изјавил тој на распитот, според неофицијални информации.

– Не сакам да ги гледам, не ми е удобно – изјавил Коста К. на распитот.

Тој денеска треба да сведочи е на второто рочиште од случајот против неговите родители, а прашања ќе му поставуваат родителите на жртвите. Тој повторно ќе биде донесен во најголемата судница на Специјалниот суд во Беглрад со Брза помош, во придружба на полиција од клиниката каде престојува од 3 мај 2023 година.

Tинејџерката починала по вадење заб во Сараево, следеле компликации по операцијата

Балкан

пред 2 дена

Тинејџерка (16) од Сараево починала по стоматолошка операција во Сараево во Клиничкиот центар на Универзитетот во Сараево (КЦУС), а според досега познатите информации таа во придружба на родителите побарала стоматолошка помош поради интензивна забоболка.

По операцијата следеле компликации, поради што била примена на Одделот за интензивна нега. По вадењето на забот, ситуацијата брзо се влошила бидејќи гнојот од забот се проширил по вратот и предизвикал сериозна инфекција која резултирала со развој на сепса.

Обдукцијата ќе ја открие точната причина за смртта. За случајот е информирано Обвинителството на кантонот Сараево.

„Постапката е во тек, се вршат проверки, односно се преземаат дејствија за проверка и утврдување на сите околности на смртта. Со оглед на тоа дека се работи за малолетно лице, Обвинителството не може да даде повеќе информации“, изјавија од обвинителството.