Здравствената состојба на 56 годишниот работник е стабилна и е хоспитализиран на одделението за ортопедија при штипската клиничка болница. Примен е со тешки телесни повреди, скршеници на пршлените, откако заедно со неговиот колега, 71 годишен пензиониран готвач настрадаа при пад на лифт во угостителски објект во Штип. За жал постариот работник и подлегна на повредите.
Во меѓувреме директорката на Државниот инспекторат за труд, Весна Томовска изјави дека на лице место е излезен трудов инспектор. Утврдено е дека двајцата работници не биле вработени, туку работно ангажирани во објектот.
Денес до инспекторатот треба да биде доставена документацијата за безбедност при работа. Од Обвинителството пак информираат дека се обезбедуваат докази за расчистуваање на настанот, а стручно лице ќе направи техничко вештачење на лифтот. Како дошло до трагедијата се уште нема официјални информации. Телото на починатото лице е дадено на обдукција.
