Дваесет и девет годишната Хилда.Л. од Санџак е пронајдена мртва во својот стан во Франкфурт, во населбата Нид. Хилда била фризерка, а нејзиното исчезнување го пријавиле нејзините пријатели, откако неколку денови по ред не се појавила на работа. Полицијата и пожарникарите провалиле во станот во кој Хилда живеела по разводот со нејзиниот сопруг, каде таа лежела мртва со неколку рани нанесени на главата.

По обдукцијата е утврдено дека несреќната девојка починала по ударите со тап предмет по главата. Хилда зад себе оставила три годишна ќерка, но како што пренесува српски Курир, полицијата не навела каде било девојчето за време на убиството. Како што пренесуваат германските медиуми Хилда уште во април годинава поднела пријава против нејзината фамилија, бидејќи се чувствувала загрозено од нив. Како што пренесува српски Курир, традиционалните родители на Хилда не можеле да се помират со нејзиниот „западен начин на живот“, по што неколкупати и се заканувале. Веднаш по разводот Хилда започнала врска со италијански граѓанин, што воопшто не им се допаднало на нејзините родители. Истрагата е во тек, а осомничени се и нејзините родители.