МВР изнесе детали од двојното убиство и самоубиство кое утрово ги потресе жителите на скопската населба Аеродром.

Триесетишест годишниот боксер Игор С. е убиецот на двете сестри во Аеродром. Тој меѓу пријателите е познат под надимакот Боксач.

- Според првичните сознанија и информации кои ги имаме од разговорите со соседите убиецот по 11 часот утринава дошол во станот на Наташа каде на врата ја затекнал нејзината сестра Билјана и и се заканил да не заминува. Тој ја натерал да се врати во станот. По кратка расправија пукал во двете жртви по што си го одзема животот, изјави портпаролот на МВР, Иво Котевски.

- Не заминувај, врати се назад - им рекол Игор на сестрите пред да пука во нив

Убиецот се познавал со Наташа, која во станот живеела со двете малолетни деца, но тој не и бил сопруг и не е татко на децата. Убиствата се извршени со пиштол кој најверојатно убиецот го поседувал со дозвола. Убиецот и е познат на полицијата по тоа што во 2004 година против него била поднесена кривична пријава за загрозување на сигурноста со опасно орудие при тепачка. Полицијата најави дека истрагата продолжува до целосно расчистување на случајот.

(фото:телеграф.мк,република)