Mакедонскиот репрезентативец и кошаркар на Атланта Хоукс, Перо Антиќ нема да учествува на „Викендот на сите ѕвезди“ во НБА лигата, што оваа година ќе се одржи во Њујорк.
Челниците во НБА лигaата вечерва ги објави имињата на дебитантите и оние кои втора година играат во најсилната кошаркарска лига, но во нив не се најде Антиќ и покрај неговите квалитетни игри изминатиов месец и извонредните изданија на неговиот тим Атланта.
Според правилата, годинава „Ол – Стар" натпреварот ќе биде меѓу играчите од американскиот континент и странците кои настапуваат во НБА лигата.
Во тимот на странци ќе настапат: Стивен Адамс (Тандер), Јанис Антетокунпо (Милвоки), Бојан Бодановиќ (Бруклин), Горги Џенг (Минесота), Руди Гобер (Јута), Никола Миротиќ (Чикаго), Кени Олиник (Бостон), Ендрју Вигинс (Минесота), Денис Шродер (Атланта).
Во екипата на САД која како и првата е составена од играчи кои се дебитанти или играат втората сезона во НБА се наоѓаат: Треј Брк (Јута), Кентавиус Келдвел-Поуп (Детроит), Мајкл Картер Вилијамс (Филаделфија), Зек Лавин (Минесота), Шабаз Мухамед (Минесота), Нерленс Ноел (Филаделфија), Виктор Оладипо (Орландо), Елфрид Пејтон (Орландо), Мејсон Пламли (Бруклин) и Коди Зелер (Шарлот). Предводник на тимот ќе биде Алвин Гентри од Голден Стејт.
