И во главниот град на Бугарија ќе никне споменик на Цар Самуил. Фигурата ќе биде висока 4 метри и ќе биде поставена на постамент од 2,20 метри.

Иницијативата е по повод 1000 години од смртта на Цар Самуил, а како што наведува бугарски Дневник, мотив е и тоа што Софија е единствен главен град во Европа во чиј центар нема поставено споменик на голем владетел.

Креаторите велат дека фигурата е автентична, а Цар Самуил е со наведната глава бидејќи така изразува достоинство. На тој начин тој ја гледал од високо својата армија и својот народ. Скулптурата ќе биде поставена веднаш до базиликата Св. Софија, а откривањето на споменикот е закажано за 8-ми јуни.