Љиљана Васиќ (60) од Белград вчера се закани дека ќе скокне од деветиот кат од зградата во населбата Лабудово брдо, и ова е нејзин четврти пат досега како сака да си го одземе животот.

Љиљана не сака да се иссели од станот кој нејзиниот син наводно го продал, па со сати седела на работ од терасата, додека нејзината тригодипна внука Ангела била внатре во станот. Драмата на Лабудово брдо е окончана околу 16.30 минути кога жената се вратила во својот стан.

Извадила и нож

Љиљана Васиќ околу 11 часот излегла на терасата, седна на работи и се закани дека ќе скокне.

-Преговарачкиот тим на МВР од терасата на соседниот стан се обидуваше да ја вразуми жената. По некое време Љиљана зеде кујнски нож и се закани дека ќе се избоде. Викаше: Не го давам својот стан на мафијата! Пуштете ме! - раскажуваат собраните соседи.

Како што дознава српски Курир, причина за обидот за самоубиство се нерасчистените односи во врска со станот во кој Љиљана живее со снаата Анита и внуката Ангела.

-Синот на Љиљана Петар, кој е во затвор потпишал договор со кој овозможил продажба на станот, Како сопственик сега се појавува Зоран Ќирковиќ кој неколку години се обидува да се всели, велат соседите.

Според нив ова е четврти пат како жената се обидува да скокне. Првиот пат уште во 2011 година, а последен пред месец дена.

-Нека прави драма, само сакаме нашите деца да не го гледаат овој циркус, велат загрижените комшии.

Паднала на трамбулина

Соседите на семејството Васиќ тврдат дека Љиљана во неколку наврати можела да настрада.

-Кога по втор пат се обидувала да скокне, паднала на трамбулината пред зградата. Минатиот пат се лизна, но успеа да се задржи, велат станарите.

Според нејзината снаа, Љиљана е во лоша состојба.

-Влегов во станот и се обидова малку да ја смирам. Не знам што ќе биде со нашиот стан и се молиме овој пекол да заврши, вели Анита.

По драмата која траела 4 часа, полицијата, пожарникарите и брзата помош се повлекле. Кога видела дека повеќе никој нема пред зградата, Љиљана влегла во станот.

Синот не знаел што потпишува

Бојан Добројевиќ, адвокатот на Љиљана Васиќ вчера бил пред станот на својата клиентка.

-Нејзиниот син Петар е измамен, бил убеден дека потпишува хипотека, а всушност тоа бил купопродажен договор. Семејството Васиќ со години минува низ оваа тортура, вели адвокатото.