Откако турската авијација денес собори руски борбен авион, Москва одлучи да ја прекине воената соработка со Анкара, како една од мерките за заштита на руските воени бази во Сирија.

Оваа информација ја соопшти еден од руските функционери по разговорот на вонредната седница. Претходно претседателите на САД и Франција, Барак Обама и Франсоа Оланд ги повикаа двете држави на мирно решавање на новонастанатата ситуација.

- Сите држави би требало да бидат обединети во борбата против ИСИЛ, изјавиле претседателите Барак Обама и Франсоа Оланд по состанокот во Вашингтон.

- Ни останува само да жалиме и мораме да спречиме било каква ескалација на односите, вели Оланд.