Денеска топло, но за викендов пеколно

soncevo-vreme-so-temperatura-do-35-stepeni-640x396

Денеска е четврток, 26 мај 2016 година, 147-иот ден во годината. До крајот на годината остануваат уште 219 дена.

Сонцето во Скопје изгреа во 5 часот и 4 минути, а ќе зајде во 19 часот и 57 минути.

Денов трае 14 часа и 53 минути.

Месечината, која е во фаза на полна Месечина, ќе изгрее во 23 часот и 35 минути, а ќе зајде во 9 часот.

Временска прогноза

Времето во Македонија ќе биде сончево со мала до умерена облачност. Во североисточните планински делови во текот на денот ќе има зголемена облачност и услови за слаб локален дожд. Ќе дува умерен до засилен ветер од северозападен правец, кој повеќе ќе биде изразен долж Повардарието и во источните делови.

Температурата ќе се движи од шест до 12, а дневната од 20 до 27 степени.

Следува период на претежно стабилно, суво и топло време. Температурата на воздухот ќе биде во значителен пораст, а најтопло ќе биде за време на викендот и во понеделник кога на повеќе места температурата ќе надмине 30 степени. Во понеделник попладне ќе има услови за локален пороен дожд и грмежи.

Коментари

Популарно