Четири пожари избувнале денеска на грчкиот остров Тасос по невреме проследено од громови. Евакуирани се четири села, а туристите се во паника.
Бројни противпожарни екипи, помогнати од авиони и хеликоптери, се борат со пламените. Ангажирани се 106 пожарникари со 37 возила. Тие се плашат дека огнот ќе се прошири.
Во погодените области има и затворени патишта. Силниот ветер помага за ширење на огнот.
„Имаме сериозен проблем на Тасос. Четири пожари од утринските секавици. Мобилизирани се сите сили во земјата. Благодарам на Цивилната заштита, кои се обидуваат да го решат проблемот. Се обидуваме да правиме што се можеме ” – напиша на Фејсбук управителот на периферијата Источна Македонија и Тракија во Грција, Јоргос Павлидис.
Деновиве Грција ја погодија и поплави кои однесоа 4 жртви.
