Кинескиот хороскоп е меѓу најстарите хороскопи на светот. Има 12 знаци, а во секоја нова кинеска година владее друг знак. Во саботата, на 28 јануари според Грегоријанскиот календар, започна кинеската година на Петелот. Вашата година на раѓање открива на кој знак му припаѓате

Тигар

Минатата 2016 година за вас беше исклучителна, па затоа во првата половина од 2017 ќе се одморате од минатата година. Оваа година вашата мантра треба да биде: „Работи напорно, биди организиран и избегнувај претерано трошење“. Наклонети ви се односите со околината и многумина ќе бидат подготвени да ви помогнат. Затоа, искористете го тоа за да ја зацврстите позицијата и да напредувате во кариерата. Тигрите што се занимаваат со продажба, маркетинг или односи со јавноста ќе имаат успех. Не потценувајте ја конкуренцијата и бидете организирани, зашто можно е да не ги завршите сите работи на време. Внимавајте кому му укажувате доверба, зашто некои би можеле да ве изиграат. Настојувајте да трошите толку колку што имате, не задолжувајте се и избегнувајте ризични инвестиции. Тигрите кои не се во врска би можеле да започнат стабилна врска. Оние во врска ќе бидат среќни со партнерот, но треба да внимаваат да не се вплеткаат во некаква афера.

Зајак

Ова не е најдобра година за Зајакот. Откажете се од тврдоглавоста и бидете подготвени за промени. Би можеле да се соочите со финансиски тешкотии, семејни или здравствени проблеми, застој во кариерата. Парите вложете ги во добро здравствено осигурување. Приходите би можеле да се намалат, а трошоците да се зголемат. Бидете внимателни со вложувањата и избегнувајте ризични инвестиции. Бидете внимателни со парите и не давајте ги на заем. На работа ќе се соочите со многубројни пречки, но побарајте помош од колегите. Ако имате можност, заминете на деловно патување, но избегнувајте да менувате работа. Ако сепак преминувате на друг работа, не верувајте никому додека не ги потпишете сите договори. Би можеле да имате конфликти со партнерот зашто ја носите работата дома, избегнувајте кавги. Кога имате можност – патувајте. Би било пожелно да излегувате од дома во март, април, јуни, септември и декември.

Змеј

Ќе имате многу среќа на работа, со здравјето и во врските. На работа можете да очекувате дека ќе добиете бонус или зголемување, а имате одлична можност за проширување на нов пазар и добивање нови клиенти, ако работите таков тип на работа. Оваа година Змејовите треба да ја искористат за унапредување на своите знаења и на личните квалитети. Ако планирате да започнете нова работа, сторете го тоа во првата половина на годината, зашто ќе имате поддршка на околината. Би можеле да имате тешкотии со деловните рокови, но побарајте помош, зашто речиси сите ќе сакаат да ви помогнат. Се трудите да бидете ненаметливи, зашто така ќе ги избегнете судирите на работа и дома. Секако, избегнувајте директни судири со надредените на работа. Самците би можеле да пронајдат љубов и конечно да се смират. Ќе стекнете и нови пријатели, односно ќе го проширите социјалниот круг. Змејовите во брак или во долги врски ќе уживаат со партнерот.

Змија

Ќе имате многу среќа во љубовта и во социјалните односи, но би можеле да имате некои проблеми на работа. Водете сметка и за личните финансии и избегнувајте можности за лесна заработувачка. На работа би можеле да имате проблеми со данокот. Бидете подготвени и за прекувремена работа. Постарите колеги и авторитети ќе бидат подготвени да ви помогнат. Искористете ја таа шанса да ги збогатите деловните познанства и контакти. На вработените во маркетинг, трговија и односи со јавноста ќе им оди добро. Самците лесно ќе пронајдат партнер. А би можеле да запознаете и еден повеќе, па во вашиот љубовен живот би може да се создаде метеж. Змиите во брак треба да се обидат да останат верни, зашто често ќе бидат цел на спротивниот пол.

Коњ

Среќната ѕвезда која ви е наклонета, оваа година ќе ви помогне да ги надминете сите пречки. Она што започна како негативно, ќе заврши со позитивен исход. Ќе имате прилика за добра заработувачка и воопшто ќе бидете среќни и ќе имате хармонични односи. Ако посакате, ќе „искрите“ со шарм и лесно ќе привлекувате луѓе. Искористете го тој шарм за подем во кариерата. Деловните контакти ќе станат значително подобри. Ќе бидете во состојба без многу труд да ги завршите започнатите работи да добиете пофалби за завршеното. За да ја спречите љубомората меѓу колегите, или во својот тим, не заборавајте да им се заблагодарите и да ги наградите, ако сте во позиција. Бидете активни и вредно работете зашто се' ќе ви се исплати. Самците ќе запознаат многу потенцијални партнери, но треба мудро да избираат. Ако сте во брак или врска, ќе имате можност за флерт, па бидете внимателни кога се впуштате во разговори со привлечни личности. Постои можност за прељуба и тоа би можело да ја разниша вашата брача или партнерска рамнотежа и мир.

Коза

Изразувајте се отворено, зашто другите ќе ги впиваат вашите зборови, што ви дава можност да ги уверите другите во она што сакате. Работите во маркетингот, продажбата и јавните односи ќе одат многу добро. Ќе им бидете многу привлечни на лицата од спротивниот пол. Вашите деловни односи ќе цветаат. За да ги избегнете грешките, избегнувајте да работите сами. Оваа година е подобро за вас да бидете тимски играч. Во финансиите внимавајте на стапиците и избегнувајте да инвестирате таму каде што ви нудат лесна и брза заработувачка, зашто би можеле да бидете измамени. Ќе им бидете погодна цел на ограбувачите, па затоа чувајте си ги парите и другите вредности, но и интелектуалната сопственост. Ќе му бидете привлечни на спротивниот пол, но вие и понатаму ќе ја избирате самотијата, па затоа би можеле да имате проблеми со партнерот и децата.

Мајмун

Ќе бидете добри во стратешкото планирање, а ако ваш елемент е јанг-метал, би можеле да стекнете углед и авторитет во 2017 година. Во секој случај вашите приходи ќе бидат стабилни. Внимавајте како се однесувате кон работата, немојте да бидете арогантни, па другите ќе сакаат да ви помагаат. Не исцрпувајте се претерано на работа. Односот со партнерот ќе ви биде стабилен. Би можеле да добиете скапоцен подарок од партнерот или неговото семејство. Сепак, поради влијание на некои помалку важни негативни ѕвезди, би можеле да имате помали судири со партнерот. Поради своите интелигенција и шарм, Мајмунот силно влијае врз луѓето, но е склон кон мрзеливост и често е вообразен. Се согласува со Змејовите.

Петел

Имате многу потенцијал лесно да заработите пари. Ќе напредувате на работа, Надредените ќе ја ценат вашата работа и ќе задржите стабилна позиција. Бизнисмените ќе доживеат процут на својата работа. Петлите би можеле да имаат семејни проблеми со поширокото семејство или партнерот. Добро промислете пред да преземете каква било акција, зашто ќе создадете конфликтни ситуации. Настојувајте да избегнувате промени во кариерата и инсистирајте на јасни договори. Лесно можете да дојдете во судир со надредените и колегите, а вие ќе бидете генератор на судирот. Промислете два пати за секоја своја одлука. Внимавајте на парите, зашто вие или некој од вашето семејство би можеле да ги изгубите парите што сте имале намера да ги заштедите. Избегнувајте ризични инвестиции. Петлите во врски ќе бидат нервозни и со каприциозно расположение. Настојувајте повеќе да го слушате партнерот и преиспитајте ги своите ставови и однесување.

Пес

Ќе добиете помош од угледни луѓе, особено

од машки род. Работата ќе ви расте, а колку повеќе ќе патувате, повеќе ќе заработувате. Ако не можете да патувате, ќе воспоставите нови контакти преку интернет, бидете активни на социјалните мрежи. Ако земате кредит од банка, добро анализирајте ги условите. Вие никому не позајмувајте пари. Внимавајте кому укажувате доверба, особено со жените кои ви говорат важни информации. Кариерата добро ќе ви се развива, а надредените ќе ви бидат наклонети. Жените родени во знакот на Песот ќе работат понапорно од мажите. Ако сте во врска или во брак, внимавајте никој да не ви се плетка во односот, зашто трета личност би можела да внесе немир во вашиот живот. Ако сакате да ја одржите врската, контролирајте се и минувајте квалитетно време со партнерот.

Свиња

Ќе добивате помош секогаш кога ќе ви биде потребна, а тешките ситуации ќе ги претворите во подносливи и прифатливи. Ќе имате можност да патувате и тоа во далечни и егзотични краишта. Ако размислувате за преселба во некоја прекуокеанска земја, тоа треба да го сторите оваа година. Бидете внимателни во ракување со парите. Внимателно следете се поврзано со инвестициите во кои вложувате, а ако некому дадете заем - прашање е дали ќе може да ви врати. Не вложувајте на берза, а нема да имате ни многу среќа во игрите на среќа. Ако сте во стабилна врска, ќе имате добар однос со партнерот, а самците тешко ќе пронајдат нова љубов. Свињата е грижлива, чесна и весела. Попустлива е и благородна во односите, а истото го очекува и од другите, па често се разочарува.

Стаорец

Ќе добивате помош од угледни луѓе, особено од женски пол. Вашите комуникациски вештини ќе бидат на високо ниво и луѓето ќе сакаат да слушнат што ќе имате да кажете. Ќе можете да направите пресврт во своја корист, во секоја ситуација. Затоа, оваа година комуницирајте што повеќе, бидете активни на социјалните мрежи. Жените родени во овој знак ќе бидат поуспешни во работата од мажот. Самците би можеле да сретнат личност со која ќе започнат долга врска. Оние во брак или долга врска, ќе имаат стабилен однос. Соработниците би можеле да ве гледаат како арогантна и егоцентрична личност. Избегнувајте да употребувате груби зборови и немојте да бидете агресивни. Ако сте сопственик на компанија или сте на водечка позиција, треба да внимавате на односот со деловните партнери, клиентите и вработените.

Бивол

Биволите треба да бидат внимателни при возење, управување со машини и ракување со оружје од каков било вид. Ќе бидете подложни на повреди. На работа ќе создадете врски кои ќе бидат цврсти и трајни. Искористете ја оваа година да ги проширите контактите и бидете општествено активни, во реалниот и виртуелниот свет. Ако планирате да започнете бизнис, ова е добра година за тоа, но со голема внимателност подготвувајте и потпишувајте документи. Ќе бидете креативни и ќе имате извонредни идеи. Повеќе ќе работите сами отколку во тим. Самците лесно ќе пронајдат љубов, а оние во цврсти врски ќе имаат стабилен однос со партнерот.