Родителите на првата дама на САД, Меланија Трамп, Амалија и Виктор Кнавс денес живеат во кулата на Трамп во Њујорк. Нејзината мајка важи за еден од најдобрите советници на Меланија, а во родната Словенија таа работела како шивачка, додека пак Виктор се занимавал со продажба на автомобили.
Амалија е најголема поддршка на своите ќерки Меланија и постарата Инес.
Кога Амалија со семејството од Ново Место се преселила во Америка веќе не работела како шивачка, но со своето знаење им помагала на ќерките да бидат убаво дотерани и им давала корисни совети бидејќи во тој период не можеле да си дозволат луксузна гардероба.
Во едно неодамнешно интервју, Меланија објасни дека нејзината мајка има уште поважна улога од онаа на моден советник. Имено, Барон, синот на Трамп и убавата Словенка, голем дел од времето го минува со своите баба и дедо кои го учат да зборува на словенечки.
