Првиот митинг на првиот ден од изборната кампања, Ѓорге Иванов го одржа во охридското село Велгошти, каде оствари средба со жителите и порача дека му претставува чест што кампањата ја започнува токму во Велгошти, пренесува Курир.
-Кога се работи тимски и заедно секогаш резултатите се видливи! Барам доверба за да работиме заедно како тим за Македонија. Покажавме дека знаеме да ја сакаме Македонија и да се посветиме на граѓаните на Република Македонија. Таа љубов ни се враќа на сите избори, затоа ВМРО-ДПМНЕ победува. Затоа што е со својот народ! Затоа Македонија се гради, се гради просперитетот и успехот на Македонија. Од секој наш успешен човек, произлегува успехот на државата, изјави Иванов.
Претседателскиот кандидат на ВМРО-ДПМНЕ истакна дека му е чест што кампањата ја започнува во Велгошти.
-Ве очекувам за заедно да извојуваме уште една голема, двојна победа за Македонија! Државата пред се! Македонија пред се!, нагласи Иванов.
Првиот голем митинг Иванов ќе го одржи вечерва во Охрид.
Фото: Курир