Финалето меѓу Аргентина и Чиле во Копа Америка донесе доста жестоки дуели, но и крајно сомнителни одлуки на судијата Ебер Лопес, за кого многумина по крајот на натпреварот потенцираа дека ја уништил убавината на завршниот меч со своите решенија и обидот да се најде во центарот на вниманието.
Добар дел од медиумите го осудија за изборот на судија на големото финале, а сега токму бразилскиот арбитар е причина за актуелниот голем скандал во Јужна Америка, откако се појавија негови срамни фотографии кои наводно се доказ за неговото непримерно однесување по финалето.
Весниците од Јужна Америка ги пренесуваат фотографиите на кои може да се види Лопес во друштво на две голи девојки, кои според информациите ги платил за да се опушти по напорниот меч меѓу Аргентина и Чиле на кој покажа два црвени картони.
Ова е второ големо оцрнување за Лопес во последните десетина години, бидејќи во 2005 година беше вмешан во скандал за местење натпревари, од кој беше ослободен од тогашниот бразилски претседател на федерацијата, Рикардо Тешеира.
