Битола: Ја убил сопругата пред 4 годишната ќеркичка

Црна хроника

на 3.2017

Битолчанецот Илија Дарков (53) со сукало и ја искршил главата и ја претепал до смрт својата сопруга Емануела Даркова(47) завчера во заедничкиот стан во Битола, а потоа лажно пријавил во полиција дека некој ја убил, информираш МВР.

Според официјалните информации од истрагата, причина за убиството биле нарушените меѓусебни односи. Неофицијално, пак, Илија ја убил сопругата поради расправија за станот, кој тој наводно го изгубил поради долгови, пишува ДНЕВНИК.

Четиригодишната ќерка била во станот за време на убиството

Според битолчани, како и жителите на зградата во која живееле Даркови во месноста Декорпод, Илија подолго време бил гастарбајтер, кој работел во Словенија. Откако се вратил пред неколку години, се венчал со Емануела, со која имал четиригодишна ќерка. Тоа му бил трет брак. Неофицијално, девојчето било во станот кога Илија ја убил Емануела, но најверојатно било во друга соба или спиело.

Битолчани велат дека убиецот ја реновирал викендичката во селото Магарево поради што се задолжил. Тој не можел да ги исплати долговите, па доверителите го тужеле. Долгот бил голем, па работата дошла до тоа да го изгуби станот. Најверојатно, извршител во понеделникот го продал станот, па тоа била причина за расправија меѓу сопружниците, која завршила трагично. Kога ја убил Емануела, Илија ја заклучил вратата од станот и отишол во подрумот за да има некакво алиби, па кога се вратил дома, се јавил во полиција и рекол дека ја нашол вратата од станот отворена, а сопругата мртва.

Киднапиран, избоден и претепан скопјанец – Еден од напаѓачите негов колега

Црна хроника

пред еден ден

Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.

78-годишен тетовчанец тешко повреден во сообраќајка

Црна хроника

пред 3 дена

Вчера во 11.00 часот во СВР Тетово било пријавено дека на регионален пат Тетово - с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.