Зошто Оне.Вип и Македонски Телеком ги исклучија Discovery и Eurosport каналите ?

Од 01.01.2018 година каналите Discovery, Eurosport повеќе нема да се емитуваат на операторите Оне.Вип и Македонски Телеком.

Од Discovery излегоа со соопштение дека се прекинува соработката, но без конкретни факти зошто е прекината со двата најголеми оператори во државата.

Денар.мк од блиски извори на еден од операторите ги дознава причините поради која е прекината соработката.

Причина поради која не е продолжен договорот е зголемување на цената за 30% од моменталната која е енормно висока сума, можеби и со шест нули која ја плаќа операторот, а со тоа и автоматски го принудува да ја покачи цената на крајниот потрошувач.

Како што дознаваме, операторите побарале овие канали да ги понудат само на корисниците кои сакаат да платат повисока цена, но компанијата која ги нуди каналите не се согласувала со тоа, односно да се нудат на сите корисници.

“Според статистиката што ја направивме, каналите Discovery, Eurosport  се гледани само 1% од вкупните корисници, што е релативно малку и со потпишување на нов поскап договор автоматски ќе ја зголеми претплатата на крајните корисници, што не би било фер, особено за оние 99% кои не ги гледаат тие канали, а треба да платат за нив”, велат од операторот.

Овој случај со Discovery и операторите не е само во Македонија, туку се случува и во другите држави од регионов како Хрватска минатата година, а сега и во Грција.

Преговорите меѓу операторите и Discovery  се сеуште во тек и најавија официјално соопштение во текот на наредната недела.

ФОТО: Ова е најпродаваната игра на годината

Иако беше претставена на почетокот на октомври, Call of Duty: Black Ops 4 е веќе најпродаваната игра за оваа година.

Според извештајот на “NDP Group”, Black Ops 4 е најпродаваната игра не само во октомври, туку и во целата 2018-та година.

Ова е осмото најуспешно лансирање на видео игра во американската историја и станува збор за втората најпродавана игра во последните 12 месеци. Во овој период, единствено подобра заработка остварила уште една игра од Call of Duty франшизата, станува збор за WWII.

Многумина сметаа дека оваа година убедливо најпродавана игра ќе биде Red Dead Redemption 2, со оглед на тоа што играта бележи рекордна популарност, но се чини дека тоа што RDR2 се појави две седмици после Black Ops 4, ќе влијае и на конечниот исход кога станува збор за оваа година.

За октомври, играта Red Dead Redemption 2, иако што беше пуштена во продажба во последната седмица од месецот, сепак го зазеде второто место, а потоа следуваат Assassin’s Creed: Odyssey, NBA 2K19 и Super Mario Party.

Кога станува збор за Red Dead Redemption 2, импресивен е податокот што оваа игра е втората најпродавана игра во последните 10 месеци од оваа година, иако се појави на пазарот прилично доцна. Останатите три игри во топ 5 се Far Cry 5, Spider-Man и NBA 2K19.

ВИДЕО: Револуционерниот дрон ќе ги чисти прозорите на висококатниците, а ќе може да гаси и пожари

Летонска компанија разви беспилотно летало кое што прозорците на висококатниците ќе може да ги исчисти за 20 пати побрзо време од луѓето, а покрај тоа, целиот процес ќе биде далеку побезбеден.

Со оглед на тоа што чистењето на прозорците на висококатниците е комплексна и ризична работа за работниците, летонската компанија доби идеја да развие дрон кој што ќе ја извршува таа работа.

Станува збор за дрон кој што е широк 3 метри и има 12 ротори, а доколку дојде до некој проблем, дронот нема да се сруши на земјата, туку ќе остане да виси затоа што ќе биде закачен на кабел. Тоа значи дека нема да има ниту потешкотии со капацитетот на батериите, затоа што кабелот ќе доставува и електрична енергија, а исто така преку кабелот ќе се дистрибуира и водата за чистење на прозорците.

Актуелниот модел може да чисти прозорци на висина и до 350 метри, а начинот на кој што ќе работи, иако ќе биде поврзан со кабли и црева, е прикажан на видеата подолу.

Покрај тоа што дронот ќе може да чисти прозори, од “Aerones” развиваат и друга верзија на овој дрон која што ќе биде наменета за пожарникарите, односно за гасење на пожари.


Германците да научат како се прави автомобил од Американците

Германскиот министер за економија ги повика германските производители на автомобили да земат пример од американската компанија Тесла кога е во прашање производството на електричните модели.

Многумина сметаат дека кога станува збор за целосно електричните автомобили, тогаш Тесла е без конкуренција. Автомобилите на Тесла дури и во дизајнот се попривлечни од своите конкуренти, а нудат низа на технолошки решенија, квалитет на батерии и перформанси кои што се најдобри на светот.

Еден од љубителите на автомобилите на Тесла, очигледно е и германскиот министер за економија, Петер Алтмајер кој смета дека германските производители на автомобили треба да го следат патот по кој што се движи Тесла.

Тој своето мислење кое што ги изненади Германците, го изнесе на еден форум на кој се дискутирало за технологиите на иднината.

„Се прашувам кога Мерцедес, Фолксваген или БМВ ќе направат барем половина секси електрични автомобили како што се автомобилите на Тесла“, изјави Алтмајер.

„Ако зборуваме за атрактивноста на електричните модели на нашите компании, тогаш сметам дека тие треба да излезат пред купувачите со некои посвежи дизајнерски идеи“, порача германскиот министер.

Со оглед на тоа што сите три споменати германски гиганти веќе најавија „електрична офанзива“ во следните неколку години, останува да почекаме и да видиме дали ќе го прифатат советот на министерот Алтмајер.

Популарно