Страшна приказна за Македонка која ја силувале двајца соседи!

Секоја (вистинска) приказна зависи најмногу од оној кој ја раскажува. овој пат тоа перфектно го направи Саша Јанчев на својот ФБ профил.

Еве што вели:

„ #СегаКажувам  Има една девојка која има двајца комшии кои цел живот ја малтертираат. Девојката има и судска пресуда дека е малтертирана од едниот комшија. И тоа ова не е обично лигавење, штипкање, туку садомазо штипање и тегнење со модрици и скршеници. Баткиве не сакаат да ја легнат, овие сакаат да се изживуваат на неа. Баткиве се и вратари во неколку дискотеки, а ко за беља се погоди да бидат вратари на една дискотека во која девојкава сака да оди. Желбата на девојкава за да влезе таму не е случајна. Девојкава има едно одбрано друштво кое долго време ја убедува дека моментално е ин ако се излегува баш во таа дискотеката и дека таму има можност за заработка. А друштвово, што да ви зборувам. Сите проблеми на девојкава они и ги направија. Ја испокрадоа и уште што не и направија. Овие вратариве (комшиите) не ја пуштаат девојката во дискотеката ни како гостин и отворено и кажуваат дека ако сака да влезе треба едниот да ја легне, а другиот орално да го задоволи. Од друга страна, баткиве и покрај пресудата секаде ја озборуваат дека таа нив ги малтертирала, крадела и им го нарушувала мирот. Девојкава делот со оралното си го заврши. Орален секс си доби оној против кого нема пресуда дека ја малтертира и тој сега и ветува дека се согласува да влезе, а отворено продолжува со малтертирањата. Така, девојката под притисок од обвинувањата и растргната меѓу желбата да влезе во дискотеката и гадостите кои мора да ги направи за да ја пуштат, доживеа душевно пореметување. И се случи тоа што го викаат Split или multiple personality disorder. Тоа е кога на една особа, личноста ќе и се подели во две или повеќе. Така сега едно сака и се однесува како едно лице, после друго сака и се однесува како тотално различно лице, а станува збор за едно исто лице. Во нејзиниот случај нејзината личност се подели на четири. Сега е како во неа да живеат четири различни индивидуи. Пострашен случај од Голум од Lord Of The Rings. Првата личност во неа забега во една крајност. Зборува дека нејзините предци биле светски кралеви, дека првите христијани биле од нејзината фамилија, во библијата ги пишувало. На кратко, приказната е дека светот почнал со нејзината лоза и дека сега светот се врти околу неа и дека неа треба да ја молат за да оди во дискотекава. Другата личност во неа пак забега во друга крајност. Таа смета дека не што треба да легне со вратарите, ами треба да им даде да ја врзат во некој подрум и цела вечер што сакаат тоа да и прават само да ја пуштат во дискотеката. Демек тоа е жртва која мора да ја даде. Двете се во постојан судар. Третата личност се доживува себеси како некој кој не прави жртва ако легне со вратарите ама ја нервира тоа што првите две ја кочат за во дискотека. Четвртата пак нешто мрмори ама првите три не ја ставаат на ум. Ех, само да може да сфати девојкава дека друштвото не и чини, се ќе биде добро. А дискотеката, дискотека ко дискотека, не е крај на светот да не си дел од неа. Всушност, девојката има и познаници кои не одат во дискотеката и не што се ин, туку и баш добро заработуваат. Башка и која респектабилна фирма вработува вакви како вратариве? На крај краева, како стојат работиве, дискотекава има потреба од девојкава а не обратно.

Случајов не е од пред десет години, актуелен е, а и сите ќе ги кажам по име. Девојката е Македонија, комшиите (вратарите) се Бугарија и Грција, дискотеката е НАТО, првата личност од пореметувањето се Македонците симпатизери на ВМРО, втората личност се Македонците симпатизери на СДСМ, третата личност се Албанците, четвртата сите останати. Одбраното друштво се политичките елити. Познаниците кои не се дел од дискотеката се Финска, Шведска, Австрија, Малта и Ирска. #СегаКажувам“ 

Колку треба да трае денот за жените да ги завршат сите обврски?

Научниците дошле до заклучок дека на денешните жени им е потребен ден кој ќе трае 28 часа, за да ги завршат сите обврски.

Шест од десет жени рекле дека им е потребен подолг ден, и тоа за 3 часа и 36 минути. На тој начин би успеале да ги завршат сите работни и семејни обврски, а исто така и социјалниот живот да не им биде запоставен.

Половина од жените кои учествувале во ова истражување, односно 2.000 од нив, рекле дека ги жртвуваат часовите кои се предвидени за спиење, за да можат да исполнат некое лично задоволство, како што е вежбањето или дружбата.

Како што пренесува порталот „The Sun“, тоа значи дека многу жени спијат само по шест часа, наместо препорачаните осум.

Жените кои работат, работното време воглавно им е од 9 до 17 часот, а голем број рекле дека не се случува да излезат од работа пред 19 часот.

Половина од жените изјавиле дека стануваат пред шест часот наутро, а не легнуваат да спијат пред полноќ.

Сето ова предизвикува состојби како што се заморот, проблеми со концентрација, подочници и заморна кожа.

Жените кои биле дел од ова истражување, изјавиле дека доколку има ден кој трае 28 часа, повеќе би се дружеле со пријателите и партнерот, би се посветиле на готвење и пробување нови рецепти и би поминувале подолго време вежбајќи. 

За јакната на Мајкл Џексон издвоил 298.000 долари!

Во саботата на акција за предмети на музичките легенди како Принс, Мадона и Џон Ленон, легендарната црна јакна на Мајкл Џексон била продадена за 298.000 долари. Цената е три пати поголема од првата побарувачка.

Аукциската куќа „Julien’s“, најпрво барала износ од 100.000 долари за јакната која Џексон ја потпишал со траен сребрен маркер, а ја носел во текот на целата светска концертна турнеја.

Тоа е едно од најлегендарните парчиња на покојниот музичар, со црвено-белата јакна од спотот „Thriller“, кое било продадено за 1,8 милиони долари на аукцијата во 2011-та година. Јакната „Bad“, ја продал бизнисменот и филантроп од Тексас, Милтон Верет, заедно со речиси 10 други предмети од својата богата рокенрол колекција.

„Bad“ е седмиот студиски албум на Џексон, кој во 1987-ма година го објавила дискографската куќа Епик. 

ВИДЕО: Овој ТВ водител ќе работи 24 часа дневно, цела година и без годишен одмор...

Зошто да плаќате вистински водител, кога вестите ќе може да ги води виртуелен водител со вештачка интелигенција кој ќе може да работи по цели денови, без пауза, со години и години.

Кинеската новинска агенција “Xinhua” го претстави својот прв робот кој на гледачите ќе им чита вести. Во соработка со “Soguo”, развиен е првиот “AI” телевизиски водител на светот, а направени се две верзии, еден за кинескиот пазар и еден кој што зборува на англиски јазик, при што, базирани се на вистински лица.

Благодарение на напредната технологија, се што треба да се направи е да се вметне текстот во компјутер и софтверот ќе започне да го изговара текстот, при што движењата на лицето и устата ќе го следат изговорениот текст, па искуството ќе наликува речиси како и да гледаме реален телевизиски водител.

Сепак, експертите иако имаат пофални зборови за ваквиот обид на кинеската новинска агенција, тие тврдат дека доколку подолго време го гледаме водителот, сето тоа ќе стане премногу досадно.

Професорот по роботика и вештачка интелигенција на Шефилд, Ноел Шарки, вели дека ова е сепак добар прв обид кој што со текот на времето сигурно ќе се подобрува.

Популарно