Со години немам секс

Анонимна мајка која со години нема интима, јавно ја сподели својата емотивна исповед, објаснувајќи како почнал да ѝ годи животот без секс. Ова е нејзината приказна:

„Не сум имала односи од првиот роденден на син ми. Скоро наполни четири години. Додека тој ги дуваше свеќичките на роденденската торта, потајно и јас ги дував свеќичките на мојата имагинарна торта, помислувајќи си: „Среќна сум што не сум имала секс три години!“.

Последен пат водев љубов со татко му, дури двајцата бевме сѐ уште заедно. Но, со тек на време, нашиот однос почна да се распаѓа. А, кога целосно се распадна, блиските пријатели ми говореа дека треба да си најдам друг љубовник. Според нив, решението за сите мои проблеми лежеше во незадолжителниот секс со некој тип. Меѓутоа, за мене сексот никогаш не бил решение.

Како триесетгодишна самохрана мајка, ниту го имав тоа „нешто“ во себеси, а ни чувствував потреба да барам секс. Немам дури ни размислувано на оваа тема. Со сите други работи што ми се случија во животот, лесно беше да се заборави на тој дел. Оттогаш пројдоа три години, а јас и понатаму сум неодлучна кога е сексот во прашање.

Апстинирањето од секс е прилично едноставно кога сте самохрана мајка со бебе, а сега со мало дете. Толку сте исцрпени, што немате енергија да сфатите дека нешто пропуштате. Немав време да одам на љубовни средби. Имав дете кое беше буквално залепено за мене, па не можев да го оставам само на подолг временски период. Плус тоа, се вратив да живеам кај родителите.

Ова ми беше проблем дури во раните дваесетти, додека бев слободна девојка. Сега ми е уште поголем, кога сум во триесеттите, а имам и мало дете. Не сакав да одговарам на било какви прашања околу тоа каде сум била, со кого, или, пак, што сум правела. Престара бев за да одам наоколу, па подоцна да ги лажам родителите.

А, да бидеме искрени, колку мажи на моја возраст би ги воодушевило да бидат во врска со самохрана мајка, која згора на сѐ живее со родителите?

Откако раскинавме со таткото на син ми, западнав во мошне лоша психичка состојба. Никаков секс не можеше да ги поправи работите. Наместо тоа, се „нафрлив“ на кариерата, па работејќи ми поминуваше поголемиот дел од времето. Малку спиев, па дури и да сакав да излезам надвор и запознаам некого, премногу бев уморна за такво нешто.

Потоа, кога кариерата ми тргна во нагорна линија, почнав да се чувствувам подобро во врска со себеси. Почнав навистина да уживам во животот што го создадов за себе. Да се трудам малку повеќе околу изгледот, па дури и излегов со пријателите неколкупати. Меѓутоа, ним од старт им дадов до знаење дека не сум спремна за романтични состаноци, а ни секс.

Никој не ме разбираше. Не им беше јасно како сум способна да ја потиснам својата сексуална страна. Меѓутоа, тоа и не е толку тешко колку што човек би помислил. Барем не за мене.

Сексот никогаш не ми бил од голема важност. Тоа не значи дека не уживам во него. Се разбира дека уживам, ама отсекогаш сум била повеќе заинтересирана за дружење и партнерство, а дури подоцна ми се јавувал интересот за секс. Сексот без обврски не ми е привлечен, а моментално не сакам да се врзам за никого. Поради тоа сум и без секс. Засега.

Искрено? Среќна сум со својата работа, со пријателите и со детето. Нејќам да почнам да се грижам дали изгледам доволно привлечно за некого. Ми годи да не носам шминка, да не ги депилирам нозете и да не ги средувам веѓите. Ми се допаѓа што поголемиот дел од времето носам хеланки и широки маици.

Во 22 часот сум веќе во „кома“, па одам на спиење. Не сакам да бидам надвор и да трагам по некого. Ако некој случајно ми „влета“ во животот, можеби нема да го оттурнам од себе. Сепак, јас лично немам желба активно да барам било кого.

И сега она посериозното. Ме плаши помислата за средби, а уште повеќе размислувањето за секс со нов партнер. Имав сексуален живот со иста личност четири години, а после тоа, моето тело се промени. Градите ми виснаа од доењето, додека стомакот ми е далеку повидлив од порано. Посебно кога на себе не носам широка облека. Имам стрии на задникот, кој исто така ми се „спушти“ околу пет сантиметри по станувањето мајка.

И уште една работа. Имам дете на предшколска возраст. Не знам дали имам енергија да бидам со него, да работам по цел ден, па пак да вратам на детето, а навечер да сум спремна за нешто трето.

Во теорија, забавно ми звучи да излезам и да флертувам со атрактивни мажи. Но, само доколку тоа значи дека подоцна ќе си одам дома и сама ќе лежам во својот кревет, јадејќи сладолед и гледајќи видеа на You Tube. А, вистински секс? Очигледно мојата неодлучост значи дека не сум подготвена. И, знаете што? Тоа е сосема во ред!“

Храбар потег: Ја сретнал на фонтана и веднаш ја бакнал!

Минатиот петок дечко бакнал на улица млада девојка од Ријека. Ништо необично за една петочка вечер. Но, тој бакнеж оставил толку силен впечаток на девојката па таа решила да го бара дечкото по секоја цена.

– Беше кратко, но незаборавно. Дечкото е со кафеава коса, а носеше црна кожна јакна, раскажа девојката.

Како што раскажува девојката, таа и три нејзини другарки се сретнале на плоштад во Ријека, кога кај фонтаната им пришол млад дечко и ја бакнал девојката. Веќе во понеделникот изутрина таа јавно кажала дека сака момчето да и се јави, при што порталот РијечанИн ја одиграл улогата на посредник.

– Ние четири излеговме во петокот на 8ми март да прошетаме, а малку и да се напиеме. Кај фонтаната на плоштадот Коблер другарка ми на шала ме испрска со вода и јас целата бев мокра. Во тој момент дојде еден дечко, ми кажа дека сум многу убава и ме бакна. Но, набрзо си замина, а јас не стигнав ни да го прашам како се вика. Сега го барам, сакам да го запознаам бидејќи тој и неговиот потег многу ми се допаднаа – раскажа девојката за РијечанИн.

Мистериозниот заводник не чекаше долго за да се јави. Имено 19 годишното младо момче со иницијали П.Ј., кого редакцијата го нарече Петар, набрзо се јавил и кажал дека тој ја бакнал девојката.

Еве како романтичниот краток состанок изгледа од негов агол:

– Бев излезен со другарите и бевме доста весели. Знаете како оди тоа кога ќе се опуштиш за време на викендот. Здогледав една група на прекрасни девојки и пријдов на најубавата и ја бакнав. Бевме секој со своето друштво и немавме време да поразговараме подолго. Кога го видов нејзиниот повик денеска, без многу размислување одлучив да и се јавам – раскажа „Петар“.

А заклучниот коментар за РијечанИн го даде и младата девојка:

– Среќна сум зошто го пронајдовме момчето кое беше заслужно за еден прекрасен и романтичен момент. Веќе се слушнавме и во најбрзо време се надевам дека ќе излеземе на кафе и ќе се запознаеме подобро. Јасно ми е дека овој наш необичен потег, потрага по дечко, многумина го протолкуваа и како шала, но мене навистина драго што преовладуваа позитивни коментари и дека секогаш треба да бидеш упорен во нешто што сакаш да го оствариш.

Нашите баби и родители ИМАЛЕ ДУПЛО ПОВЕЌЕ СЕКС ОД СЕГАШНИТЕ МЛАДИ

Приватниот и јавниот живот се измешал. Луѓето цело време ја проверуваат електронската пошта и повеќе не постои момент на тишина која постоела порано.

Паметните телефони се виновници што луѓето сѐ помалку водат љубов, покажало истражувањето. Истражувачите откриле дека откако постои интернетот луѓето сѐ помалку водат љубов.

Дејвид Спихалтер, професор на колеџот Кембриџ, во својата книга “Сексот во бројки” открил дека просечната хетеросексуална двојка води љубов само три пати месечно.

Оваа бројка ја споредил со оние од претходните години: 2000-та година луѓето имале секс четири пати месечно, а во 1990 година пет пати. Од ова произлегува дека нашите баби и дедовци имал повеќе од двојно секс отколку сега нивните технолошки еманципираи урбани внуци, или скоро два пати повеќе секс имале нашите родители отколку сегашните млади генерации. 

Немањето љубовен контакт меѓу младите и секуално потентните секако носи зголемна акнксиозност, депресија и осаменост која не се лечи со лекови, туку со природни процеси - дружење и активен љубовен живот.

“Приватниот и јавниот живот се измешал. Луѓето цело време ја проверуваат електронска пошта и повеќе не постои момент на тишина која постоела порано”, рече професорот за BBC Радио 4.

“Најреалното објаснување е тоа дека сме подобро поврзани со технологијата, нашите животи станале брзи, и постојано балансираме меѓу домот, работата и надворешниот свет. Тоа го потиснало времето кое сме го поминувале со своите партнери.

Сегашното време многу бара и сексот едноставно паднал на листата на приоритети. Кога одиш навечер во кревет и проверуваш e-mail, тоа значи дека сѐ уште премногу си поврзан со надворешниот свет, за да се фокусираш на партнерот”, рече професорот

ДОМАШНО ВИДЕО од креветот на светкси познатата пејачка и шампионот во Формула 1

Светскиот шампион во Формула 1 Луис Хамилтон и Никол Шерцингер по осумгодишната врска раскинаа во 2015 година, но пред неколку денови светот повторно се присети на парот поради нивната секс снимка.

Како што пренесува „Дејли Меил“ хакери објавиле видео снимка на која се гледа како Хамилтон ја бакнува и гали Никол во креветот.

Домашното видео е снимено со мобилен телефон, а како што тврди пејачката никогаш не требало да излезе во јавноста.

-На Никол и е скршено срцето откако видеото протече во јавноста, вели за странските медиуми извор близок до пејачката.

Инаку по нивната разделба, возачот сега е во врска со руската Ким Кардашијан, Анастасија Квитко, која тврди дека не направила ниту една пластична операција на себе.

 
 
 
 
 
 
 
 
 
 
 
 
 
 
 

A post shared by AK (@anastasiya_kvitko) on

 
 
 
 
 
 
 
 
 
 
 
 
 
 
 

A post shared by AK (@anastasiya_kvitko) on

Популарно