Министерот за правда Билен Саљији поднесе оставка

Министерот за правда Билен Саљији  вечерва поднесе оставка. Како што објави на прес конференција, оставката е мотивирана од неуспехот околу случајот Алмир.

“Во овие моменти чувствувам дека довербата е разнишана поради одлуката јавниот обвинител да го преквалификува обвинението за малиот Алмир. Оваа контраверзна одлука беше оспорена и од четворицата јавни обвинители. Јас како прв човек на Министерството за правда чувствувам обврска да поднесам оставка”, изјави Саљији.

Името на Саљији се споменуваше меѓу оние кои не одговориле на очекувањата и дека е можно да се најде на листата на министри за реконструкција, така што со овој потег се поштеди од таа можна одлука. Инаку, државниот јавен обвинител Љубомир Јовески во интервју за „Макфакс“ изјави дека на негово барање се сретнал со родителите на четиригодишното дете Алмир Алиу од Куманово, кое беше прегазено во 2016 година во Куманово и им подлегна на повредите.

„Бев со цел да им кажам дека нема никаква заднина во преквалификацијата на предметот“, рече Јовески во интервјуто. Тој изјави дека правдата ќе биде задоволена, а правото мора да владее. Јовески потврди дека во случајот нема никаква етничка или каква и да е друга заднина.

Јовески нагласи дека го проучил предметот за прегазувањето на малиот Алмир и дека обвинението на обвинителот се заснова на факти и докази што му стојат на располагање. Во конкретниот случај врз основа на доказите и вештачењата во предметот, обвинителката која го застапува предметот утврдила дека во случајот нема умисла, односно дека доказите не го потврдуваат обвинението кое првично било убиство со умисла, рече Јовески.

За утре се најавени протести против прекфалификацијата на делото од убиство во сообраќајна несреќа, при што во јавноста проструи информацијата дека градоначалничката од Арачиново ќе обезбеди транспорт за тие што учествуваат.

ВИДЕО од дрон: Колку народ маршираше со ВМРО ДПМНЕ во Кавадарци?

Река народ денеска маршираше во Кавадарци. Повеќе илјади граѓани присуствуваа на протестниот марш во организација на ВМРО-ДПМНЕ и порачаа дека Македонија ќе победи!

Свое обраќање имаше лидерот на партијата Христијан Мицкоски.

-Кога ве гледам вака насобрани, со гордо кренати глави дојдени овде во Кавадарци, со бајраците на сонцето кој е наш белег, ќе му порачам на Зоран Заев- ова е Македонија, рече тој меѓу другото.

СДСМ: Десетици илјади граѓани излегоа и прославија ширум Македонија

„Во 15 градови ширум Македонија, со повеќе од 40 музичари и со македонска музика,  граѓаните се сплотија околу националните интереси и го прославија огромниот успех, покана за влез во НАТО и датум за почеток на преговори за членство во ЕУ“ пишува СДСМ во денешното соопштение.

Од партијата наведуваат дека ВМРО-ДПМНЕ со денови водеше организирана хајка против националните и стратешки интереси на државата, против домашната, македонска музика, против домашните македонски музичари. На крајот, не им успеа, настаните се одржаа, музиката ечеше низ цела Македонија, граѓаните прославија гордо и достоинствено.

„Десетици илјади граѓани, без притисоци, без списоци и уцени како што тоа своевремено го праваше ВМРО-ДПМНЕ, слободно и по сопствена волја излегоа и прославија ширум Македонија.ВМРО-ДПМНЕ мора да се одважи и да престане со создавање поделби и сеење омраза кон граѓани и музичари. Без разлика дали  тоа му се допаѓа или не на ВМРО-ДПМНЕ, граѓаните даваат силна поддршка за интеграциите на Македонија во НАТО и ЕУ. СДСМ им се заблагодарува на сите граѓани што беа дел од синоќешните прослави и изразува благодарност до сите вклучени страни кои ги поддржаа настаните“ стои во соопштението од СДСМ.

Дали владата ќе го тужи Лозано?

Владините служби утре ќе одлучуваат дали ќе го тужат музичарот Влатко Лозаноски-Лозано кој што вчера одби да настапи на прославата по повод добивањето на условната покана за влез во НАТО.

Лозано беше еден од четириесетината артисти, како што ги нарекува владата кои што требаше да ја забавуваат публиката. Тој требаше да да настапи во Охрид но пред концертот одлучил да не настапи затоа што најважна за него е публиката која што овој пат не ја поддржа најавата за негов настап на политички собир.

Во своето обраќање до јавноста Лозано вели дека е свесен за тоа дека може да биде тужен од страна на владата, но е подготвен за сите последици.

За непочитување на потпишаниот договор Владата може да покрене тужба за непочитување на договорот при што Лозано и останатите кои одбија да настапат или се повлекоа во текот на настапот поради малиот број на публика ќе треба да платат високи пенали. Во владата се размислува и за опцијаата артистите кои бојкотираа само да ги вратат парите ако веќе ги добиле или да се согласат на писмено дека нема да ги бараат затоа што сами го прекршиле договорот.

Неофицијално, владини извори велата дека ќе се направи обид за мирно надминување на проблемот затоа што Лозано е многу популарна и влијателна личност и Владата не треба дополнително да влегува во конфликти со јавноста пред референдумот за името.

Популарно