Министерот за правда Билен Саљији поднесе оставка

Министерот за правда Билен Саљији  вечерва поднесе оставка. Како што објави на прес конференција, оставката е мотивирана од неуспехот околу случајот Алмир.

“Во овие моменти чувствувам дека довербата е разнишана поради одлуката јавниот обвинител да го преквалификува обвинението за малиот Алмир. Оваа контраверзна одлука беше оспорена и од четворицата јавни обвинители. Јас како прв човек на Министерството за правда чувствувам обврска да поднесам оставка”, изјави Саљији.

Името на Саљији се споменуваше меѓу оние кои не одговориле на очекувањата и дека е можно да се најде на листата на министри за реконструкција, така што со овој потег се поштеди од таа можна одлука. Инаку, државниот јавен обвинител Љубомир Јовески во интервју за „Макфакс“ изјави дека на негово барање се сретнал со родителите на четиригодишното дете Алмир Алиу од Куманово, кое беше прегазено во 2016 година во Куманово и им подлегна на повредите.

„Бев со цел да им кажам дека нема никаква заднина во преквалификацијата на предметот“, рече Јовески во интервјуто. Тој изјави дека правдата ќе биде задоволена, а правото мора да владее. Јовески потврди дека во случајот нема никаква етничка или каква и да е друга заднина.

Јовески нагласи дека го проучил предметот за прегазувањето на малиот Алмир и дека обвинението на обвинителот се заснова на факти и докази што му стојат на располагање. Во конкретниот случај врз основа на доказите и вештачењата во предметот, обвинителката која го застапува предметот утврдила дека во случајот нема умисла, односно дека доказите не го потврдуваат обвинението кое првично било убиство со умисла, рече Јовески.

За утре се најавени протести против прекфалификацијата на делото од убиство во сообраќајна несреќа, при што во јавноста проструи информацијата дека градоначалничката од Арачиново ќе обезбеди транспорт за тие што учествуваат.

ВИДЕО: Груевски ужива во луксузен ресторант во Будимпешта

Екипа на унгарскиот портал „24.ху“ го лоцираше бегалецот Никола Груевски во Будимпешта како руча во познат и скап унгарски ресторан. Груевски не бил сам, него го придружувале неколку лица за кои се претпоставува дека го обезбедуваат, а имал и личен возач. Груевски не одговараше на прашањата од новинарот дали Унгарија му помогнала во бегството и како успеал да избега од Македонија.

Груевски, според снимката, се превезува со возило од марката „фолксваген шарон“

Нови снимки од Груевски од Црна Гора

Јавното oбвинителство во наредните две недели ќе излезе со информации за резултатите од предистражната постапка за бегството на поранешниот премиер Никола Груевски и начинот на кој ја напуштил земјава. Наредната недела претставници од Обвинителството ќе одат во Црна Гора да ги земат  видео материјалите поврзани со овој случај, а од Албанија се бара и таа што поскоро да ги достави материјалите со кои располага.

– Добивме информација од колегите од Црна Гора дека ги прибрале сите снимки кои ни се потребни и во понеделник или вторник ќе одиме да ги преземеме. Колегата вчера ургираше во Албанија да ни се достават што поскоро материјалите што тие ги имаат, изјави денеска обвинителката Вилма Рускоска одговарајќи на новинарски прашања пред одржувањето на конференцијата поврзана со борбата против корупцијата.

Таа додаде дека прегледувањето на снимките што ги имаат е веќе при крај и најави дека очекуваат во наредните две недели да излезат со соопштение за резултатите од предистражната постапка.

Во врска со фотографијата на Никола Груевски што беше објавена вчера во медиумите и по социјалните мрежи, Русковска истакна дека најверојатно ќе преземат активности да видат од каде потекнува и кој ја сликал. Со оглед на тоа што на неа покрај Греувски, за кој се тврди дека е сликан во Будимпешта, е препознат и еден од  обвинетите за случајот на СЈО „Насилство во општина Центар“, Рускоска истакна дека во Обвинителството ќе бидат повикани сите за кои се смета дека можат да дадат одредени информации во врска со бегството на Груевски.

-Ние и досега имаме сослушано од неговото обезбедување така што ќе продолжиме во таа насока, рече Рускоска.

Министерката за правда Рената Дескоска рече дека засега немаат ништо ново во врска со барањето за екстрадиција на Груевски од Будимпешта, каде што унгарските власти му дадоа политички азил.

-Ние се уште немаме добиено ништо од Унгарија во поглед на нашето барање за екстрадиција. Сепак, оние пристојни рокови не се изминати. Ќе чекаме одредено време и доколку после тоа не добиеме одговор ќе испратиме ургенција, рече Дескоска.

Поранешниот премиер Никола Груевски пред еден месец избега од Македонија за да не ја издржува двегодишната затворска казна за случајот „Тенк“. Со помош на унгарски дипломати, преку Албанија, Црна Гора и Србија избега во Унгарија, каде што побара и доби политички азил.

Македонските власти по Груевски распишаа меѓународна потерница и побараа тој да биде екстрадиран во Македонија.

Груевски е обвинет во неколку предмети на Специјалното јавно обвинителство, за што Собранието му го одзеде имунитетот, а за дел од нив во отсуство му е одреден и притвор.

Вчера, новинар на британски „Гардијан“ на Фејсбук објави фотографија од Груевски во Будимпешта, прва по неговото бегство од Македонија

ВИДЕО: Советникот на СЈО, адвокатот Тортевски во срамна пресметка со демонстранти

Адвокатот Александар Тортевски кој е советник на СЈО вчера имал вербална расправија со учесниците на уредно пријавениот јавен протест во центарот на Скопје.

Тој пристигнал со возило по улицата од кај Собранието која вообичаено е блокирана од страна на полицијата.

Во вербалната расправија Тортевски одговарајќи на пцостите од граѓаните и самиот вели:

„ДА ТЕ ЕБ*М У УСТА“, „ЌЕ ТИ ЈА ФУКНАМ ЕДНА“, „МРШ ГЛУПЕРДИ“.

За среќа инцидентот кој се случил попладнево на блокадата од движењето „Македонија Блокира“ кај Црвен Крст од страна граѓани кои се противат на уставните измени со цел промена на уставното име, не прераснал во тепачка.

Советникот на СЈО си заминал откако полицијата интервенирала.

„Македонија блокира“ го осудија овој инцидент и повикуваат власта да престане да провоцира мирен и чесен народ.

Популарно