Како да препознаете дека ве изневерува?

Љубов и секс

на 10.2018

Изневерувањето е прилично широк поим. Некои луѓе, за изневерување го сметаат гледањето на порнографија, додека некои толерираат сè до бакнеж или интимен однос со друга личност.

Но, што и да е за вас изневерување, ако вашиот партнер ги знае вашите ставови, секое негово прекршување, за вас е оправдано разочарување и значи нарушена доверба. Понекогаш другата страна нема да сака да ви признае што се случува, но тоа ќе можете да го откриете самите, и тоа преку говорот на телото. Не ви дозволува да ја прегледувате содржината на неговиот телефон Ако вашиот партнер е премногу вознемирен кога гледате во неговиот телефон, тоа би можело да биде многу јасен знак. Брачниот советник, Дејвид Бенет, истакнува дека тоа е всушност еден од главните показатели, особено ако непрестајно го држи мобилниот телефон, во положба во која вие не можете да видите што прави на него. Ако тоа му е автоматска реакција, постои голема веројатност да се работи за некое трето лице. Се вознемирува кога зборувате за одредена личност Ако лицето со кое вашиот партнер потенцијално ве изневерува е некој кој вас ви е познат, тој би можел прилично да се вознемири додека зборувате за истото тоа лице. „Вашиот партнер може да покаже знаци на нервоза во текот на разговорот за таа личност. Знаците кои најпрво ќе се покажат се вкочанетост на фацијалната експресија, грубо чешање на подлактицата или допирање на градниот кош“, истакнува Бенет. Ако вашиот партнер и таа личност се најдат во иста просторија, говорот на телото исто така би можел да открие доста работи. Многу е веројатно дека цела вечер ќе биде во близина на таа личност, ќе ја гледа и „случајно“ ќе ја допира додека разговараат. Се смешка додека гледа во мобилниот телефон Иако вие можеби мислите дека тој гледа некој смешен видео запис, постои веројатност да се допишува со личноста со која има афера. Ако забележите дека не испушта звук од смеењето, туку само ги шири усните во огромна насмевка, имате причина за сомнеж. Се однесува затворено И тоа буквално. Додека разговара со вас, ги држи рацете и нозете скрстени и држи одредена физичка дистанца. Помалку ве допира, помалку се смее во ваше друштво и се однесува прилично нервозно, како да сака што е можно побрзо да отиде на некое друго место.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.