„Вашата ќерка е мртва“

Таткото на 33-годишната Марија Чајетинац, која настрадала во својот автомобил во верижниот судир, ја барал својата ќерка на мобилниот телефон кој на патот го пронашол полицаец и му ја соопштил страшната вест.

Слушнав на вести дека имало верижен судир кај Јагодине, па ја повибарав ќерка ми Марија, бидејќи знаев дека тргнала по тој пат. Телефонот долго ѕвонеше, а потоа се јави маж кој се претстави како полицаец и ми кажа дека мојата ќерка е мртва.

Ова за роднините го раскажал таткото на Марија, една од осумте жртви на стравичниот судир кој во вторникот се случи на автопатот ај Јагодине.

Марија настрадала додека од Белград одела кај своите родители. Роднините на несреќната девојка велат дека за стравичната несреќа слушнале од медиумите, но дека не знаеле дека станува збор за Марија.

-Нејзиниот татко видел на вести и се посомневал дека таа е во колоната. Веднаш почнал да ја бара на телефон, но за жал од полицаец ја дознал тажната вест. Очајниот човек со автомобилот еднаш тргнал кон автопатот за да ја најде ќерката - рааскажуваат дорнините на настрадатана девојка, Марија која била гордост на семејството.

-Заминала од селото да студира во Белград. Татко и имал приватна фирма, па половина од времето живеела во село, а половина во град.

Мештаните и понатаму се очајни после незапаметаната несреќа.

Жена пронајдена мртва во својот стан во Скопје

Вчера во 17 часот и 33 минути во Единицата за известување и команда -Скопје,42- годишната А.В од Скопје, пријавила дека на улица „Виа Игнатија“  во станот на нејзината баба, 82- годишната М.Д, која живеела сама.

Според пријавеното ја пронашла М.Д. почината, без траги на насилство. По наредба на Јавен обвинител, телото на починатата е дадено за обдукција. 

Шест годишно дете исчезна додека се лулало на детско игралиште

Во Секторот за внатрешни работи во Тетово вчера било пријавено дека од саботата,18 мај, е исчезнато дете. Жител на Прилеп пријавил дека во Тетово е исчезнато неговото шестгодишно дете.

– Дваесет и деветгодишниот Е.М. од Прилеп, вчера (20 мај) во 11 часот и 30 минути, во Секторот за внатрешни работи Тетово пријавил дека на 18 мај годинава околу 21 часот, додека играл на лулашките во забавниот парк на Спортскиот центар во Тетово, наеднаш се изгубил нивниот шестгодишен син, информира Марјан Јосифовски, портпарол на СВР Тетово.

Прилепчанецот во полицијата истакнал дека од саботата до понеделникот заедно со сопругата го барале детето, па потоа се одлучиле да го пријават исчезнувањето.

– Според исказот, тројцата членови на семејството времено дошле во Тетово од Прилеп. Во Тетовско престојувале десетина дена и работеле на собирање на старо железо, информираат од СВР Тетово.

Оттаму соопштија дека се преземаат повеќе мерки со цел да добијат повеќе информации и да се најде детето.

Охриѓанец ќе одговара пред полицијата за пост на ФБ

СВР Охрид поднесе кривична пријава против 45-годишниот Р.Д. од Охрид поради постоење основи на сомнение за сторено кривично дело „ширење на расистички и ксенофобичен материјал по пат на компјутерски систем“.

Тој, на 04.04.2019 година на социјалната мрежа ,,Facebook”, преку неговиот профил ширел расистички и ксенофобичен пишан материјал со што промовирал и поттикнувал омраза, дискриминација или насилство, кон одредена група, претставници на една политичка партија.  

Популарно