Коѕијас сака да го влече Заев за уши!

Во мноштвото реакции  во грчката јавност по изјавите на македонскиот премиер Зоран Заев се јави и поранешниот министер за надворешни работи на Грција, Никос Коѕијас, кој во интервју за грчката телевизија Анетна кажа што би направил доколку се уште беше член на грчката Влада.

-Ќе го потегнев за уши на сите начини, и од НАТО, од Европската унија и од Нимиц. Нимиц се активираше и добро направи и го потсети дека прекршува две точки од Времената спогодба и од Договорот од Преспа, рече Коѕијас, одговарајќи на прашањето што тој ќе направеше доколку се уште беше министер, јави дописничката на МИА од Атина..

Тој додаде дека две работи се важни во Договорот од Преспа и го прочита членот од договорот дека ниту една од земјите нема да се меша во внатрешните работи на другата страна.

-За тоа кој јазик ќе се изучува во Грција е во наша надлежност. Не е нивна работа, рече Коѕијас и додаде дека второто е да се промени членот 49 во македонскиот Устав.

Поранешниот шеф на грчката дипломатија во друг дел од интервјуто рече дека во изјавите на Заев, тој не нашол нешто што има врска со македонско малцинство, но констатирал дека во однос на јазикот има прекршување на два параграфа.

Коментирајќи го ставот на лидерот на Нова демократија, Кирјакос Мицотакис, дека Заев со изјавата ја отворил Пандорината кутија, Коѕијас рече дека опозицијата не треба да се води по толкувањата дадени од Скопје.

-Постои меѓународен договор што се уште не е ратификуван. Што значи дека не постои. Се наоѓаме во процес на ратификација. Не е добро опозицијата да ги прифаќа толкувањата што ги дава некој или некои во Скопје, бидејќи битката е и за да составиш договор, но и за да го толкуваш, рече поранешниот шеф на грчката дипломатија, пренесе МИА.

Коѕијас во интервјуто за ТВ Антена изрази сигурност дека Договорот од Преспа ќе помине во грчкиот Парламент, а за ставовите на коалицискиот партнер во грчката Влада, истакна дека не рекол дека ќе ја турне владата, „бидејќи знае дека не може“ и додаде дека според него, Каменос е „последниот што би сакал да има избори бидејќи можеби нема одново да биде избран“.

Во однос на протерувањето на руските дипломати од Грција, Коѕијас рече дека бил повикан од грчкиот премиер и неговите соработници и му било соопштена одлуката за протерување. 

ВИДЕО: Нема отстапки за Гоце Делчев!

Бугарскиот новинар, Љубомир Огњанов, даде скандалозна изјава во својата емисија на бугарската телевизија Канал 3, за време на интервјуто со заменик министерот за надворешни работи на Бугарија, Георг Георгиев.

Во интервјуто со заменикот на Захариева, тој вели дека претпочита да ја нарекува Македонија – „Југозападна Бугарија“.

 -Не ме интересира како ќе звучи, јас претпочитам да ја наречам земјата „Југозападна Бугарија“, рече тој откако Георгиев му рече дека ќе бидепредмет на критика.

Во емисијата, тој го нарече и Заев „северномакедонскиот премиер“. 

ВИДЕО: Тачи му се изнасмеа на Заев

Новинарот на Клан Македонија, Фуркан Салиу на својот Фејсбук објави видео од изјава на косовскиот претседател, Хашим Тачи кој одговара на новинарски прашања.

Имено по cкaндалот во Македонија со руските пранкстери Вова и Лексус, еден од новинарите го запраша Тачи дали можеби тој разговарал со Порошенко во наводници. На ова Тачи накусо одговори дека пранкстерите се обиделе и него да го измaмат, но како што вели тој во неговиот кабинет работат вистински професионалци па тоа воопшто не се случило. Косовскиот претседател додаде и дека тој секогаш ги почитyвa протоколите за тоа како се разговара со еден странски државник. Тачи не можеше да се воздржи и да не се насме кога новинарот му го постави ова прашање. -Руските комичари пробале да го добијат и Хашим Тачи, ама не им успеало… Претседателскиот кабинет на Косово, ФУНКЦИОНИРА , напиша Салиу во описот на видеото

„Помагавме на кого можеме, жената од Романија и 8- годишниот син не успеавме да ги спасиме“

Според очевидци, ветровите на Халкидики биле толку силни што ги подигале тезгите од улиците.

Помеѓу повредените во една од локалните таврени се нашла и новинарка коа го изнела своето шокантно сведоштво за тоа додека се обидувале да ја спасат жената од Романија и нејзиниот син.

„Воопшто не сфативме што се случува, трчавме и спасувавме кого можеме, а имаше десетита повредени. За жал жената и нејзиниот 8- годишен син не успеавме да ги спасиме“рекла таа.

Таа вели дека ветрот бил толку силен што во таверната слетал цел киоск и тезга, под кои останале заробени жената и детето.

8- годишното дете ветрот го подигнал и го удрил во прозор додека се обидувало да побегне.

Засега официјалниот број на загинати е 7 лица, но се травува дека има уште најмалку 4 лица.

Популарно