Македонија горда на ова младо момче

Андреј Јакимовски постигна 33 поени на мечот со Грузија, која што почна редовно да извезува играчи во НБА и Евролига.

Ги зачини со 8 скока и МВП индекс 42. На дуелот од второто коло, против Украина имаше 21 поен, 11 скока, со 2 асистенции и 3 украдени топки, без НИТУ ЕДНА ЗАГУБЕНА топка за скоро 36 минути на паркетот, со индекс 23.

На првиот дуел со Ирска, постигна 23 поени (20 во првото полувреме) плус 11 скока и 3 асистенции за индекс 31.

Македонската јуниорска репрезентација е речиси сигурен патник во четвртфиналето на ЕП Б Дивизија, откако ја совлада Грузија со 87-79 (20-19, 20-18, 31-25, 16-17 ),  во рамките на третото коло.

Избраниците на Тони Симиќ го осигураа врвот со три победи во исто толку меча, до крајот остануваат да ги совладаат Данска и Словачка.

Овој дуел го оправда епитетот на дерби во групата Б, на мегдан излегоа двете непоразени репрезентации. Нашите надежи за нијанса беа подобри во првото полувреме (40-37), но онаа поголема позитива ја направија во третата четвртина, секако предводени од незапирливиот Андреј Јакимовски.

Последните десет минути беше вистинска „нишалка“, Македонија имаше позитива од пет поени (73-68), а потоа и плус шест (76-70), но Грузија се врати, намали на 76-75. Исјаловски не ги искористи двете слободни фрлања, но среќа противникот не успеа да реализира од линијата за три поени.

Во последните три минути по половичната реализација на Даниловски влеговме со 77-75, но Грузија веднаш израмни за вистинска драма.

Јакимовски со тројка го врати водството на 80-70, а потоа со нова тројка во изведба на Исајлоски, Македонија почна сигурно да чекори кон третиот триумф.

Утре е ден за одмор во Орадеа, веќе во вторник Македонија игра против Словачка, селекција која треба да ја добиеме.

Митревски блескаше на голот во португалското дерби

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион. 

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови. 

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања. 

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка. 

Лазаров доби нов помошник во репрезентацијата

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот

Популарно