МЗТ Скопје ја прекина црната низа на порази со победа над Унион Олимпија во Словенија

Спорт Се и сешто

на 11.2012

МЗТ Скопје ја прекина црната низа на порази во АБА Јадранската лига со триумф над Унион Олимпија од 64-60 во Љубљана во натпреварот од 7. коло.

Во натпревар без преголема кошаркарска убавина, со многу грешки на двете страни, но сепак со огромна борбеност и желба за триумф нашиот состав сосема заслужено стигна до третата победа во регионалното натпреварување, по Цибона во Загреб успевајќи на гостински терен неочекувано да земе „скалп“ на уште еден голем фаворит во АБА лигата.

Најефикасен во тимот на МЗТ Скопје беше Гечевски со 15 поени, додека Дејвис запиша 11. Во противничкиот табор Пејџ заврши со 17 постигнати поени, а Препелиќ со 12 поени

УНИОН ОЛИМПИЈА – МЗТ СКОПЈЕ 60-64 (14-19,12-18,17-13,17-14)

Арена „Стожице„ во Љубљана. Гледачи: 1.500. Судии: Војиновиќ, Анзуловиќ, Јурас

Унион Олимпија: Вотерс 6, Препелиќ 12, Блажиќ 5, Ранико 3, Салин 7, Бејнс 3, Бубниќ 1, Пејџ 17, Омиќ 6

МЗТ Скопје: О. Стојановски 7, Мијаиловиќ 2, Д. Стојановски 7, Гечевски 15, Николовски 7, Чековски 9, Николиќ 2, Марковски /, Бакиќ 4, Дејвис 11.

Митревски блескаше на голот во португалското дерби

Спорт

пред 7 часа

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 2 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред 3 дена

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот