Спатифилум, се верува дека носи среќа во домот

Живот

на 3.2021

Женската среќа се крие во хармонијата на домот, а за оваа билка се верува дека токму таа го носи мирот и спокојството, но и среќата за жените… Се верува дека ако ова цвеќе и го подарите на девојка која не е мажена, таа за многу кратко време ќе си го среди животот. А доколку и го подарите на мажена жена – таа многу брзо ќе забремени и ќе добие бебе.

Од многу одамна постои верување меѓу жените дека оваа билка смирува брачни кавги и нетрпеливост во домот, односно ја решава семејната идила, особено љубовната. „Жените кои ја поседуваат и ја одгледуваат, кај кои цвета и се развива – носи среќа. Затоа оваа билка е идеална за подарок на женскиот пол. Иако можеби ви делува на излитена приказна, многумина се увериле во нејзината точност.“

Оваа атрактивна декоративна билка е една од најпознатите канцелариски растенија. Спаѓа во групата на најдобри природни прочистувачи на воздухот кои се користат за затворени простории.

Постојат безброј растенија кои се присутни речиси во секој дом, меѓутоа на многу од нив не им ги знаеме ниту имињата, а да не спомнуваме за нивно правилно одгледување. Спатифилумот (лат. Spathiphyllum) e такво растение, за кое се верува дека носи среќа во домот. Уште е познато и како „женска среќа“, бидејќи се верува дека ова растение е одговорно за благосостојбата на жената.

Ако на невенчана девојка й подарете спатифилум, таа за многу кратко време ќе се омажи. Ако го подарите на мажена жена, тогаш таа ќе добие дете. Всушност, сите собни растенија симболизираат нешто специфично – некои симболизираат среќа во бракот, други – пари, трети – здравје, успех и така натаму. Но, зошто токму спатифилумот се смета за женски покровител?

Од дамнина жените ја забележале позитивната енергија што ја шири спатифилумот во домот, особено кога станува збор за љубовниот живот. Девојките си пронаоѓале свој избраник, а оние кои биле во врска набрзо добивале понуда за брак, а пак мажените жени имале среќен брачен живот.

Денес, „женската среќа“ е едно од најраспространетите растенија и најомилен подарок за понежниот пол. Ако сакате ова собно растение да го промени вашиот живот, треба искрено да го сакате, да се грижите за него, да го прихранувате и ќе се уверите дека легендите за „женската среќа“ се вистинити…

Поради своите отмени бели цветови (слични на кала), кои доминираат над темно зелените листови, спатифилумот спаѓа во редот на најпопуларните украсни растенија кои го збогатуваат просторот со својата убавина.

Спатифилумот припаѓа на фамилијата Araceae. Родот вклучува околу 40 видови на растенија чиј ареал се влажните тропски области на Централна и Јужна Америка и Југоисточна Азија, каде растат во сенка на огромните дрвја. Името го добил од грчкиот збор spathe – лист на врв и phyllon – лист, поради големиот заштитен лист што го опкружува цветот.

Постојат различни и бројни сорти на ова растение, но, исто така, може да се купат и во различни големини во зависност од големината на просторијата каде што ќе растат. Најчесто одгледувани хибридни видови на спатифилум се: низок (Spathiphyllum wallissi) кој е висок и до 30 см, но може да израсне во бујна и широка грмушка и висок (Spathiphyllum Mauna Loa) кој има многу висечки листови и цветови и висината може да му достигне и до еден метар.

Спатифилумот е отпорно повеќегодишно растение. Се карактеризира со долги листови од 30-50 см. Цветовите на ова растение може да траат и до два месеци, постепено менувајќи ја бојата од бела во зелена. Кога целосно ќе прецветаат, неопходно е да се пресече целото стебло за да продолжи непречено да цвета.

Купила слика од продавица за стари работи за 4 долари, ја продала за 250.000

Живот

пред 10 часа

Кога љубителка на антиквитети купила слика во продавница за стари работи во 2017 година за само 4 долари, се пошегувала дека можеби е вистинско уметничко дело на семејството сликари Вајт.

Жената го однела парчето дома, но по брзото пребарување на интернет не можела да најде никакви информации за сликата. Откако ја уредувала својата спална соба пред неколку години, ја тргнала и ја заборавила во еден од плакарите во домот.

Повторно ја открила сликата минатиот мај додека чистела, а овој пат објавила слики од делото на страницата на Фејсбук наречена „Нешта пронајдени во ѕидовите“, која е посветена на „раскажување приказни за работи што сте ги нашле во ѕидовите, ископани во вашиот двор , или во напуштена куќа кај вашата баба“, според описот на групата.

Коментарите на нејзината објава ја навеле да стапи во контакт со Лорен Луис, поранешна кураторка која работела со сликите на три генерации на Вајтс. Откако лично го видела делото, Луис била „99% сигурна дека е автентична“, пренесува CNN.

– Иако има одредени ситни гребнатинки и му треба површинско чистење, делото беше во неверојатна состојба со оглед на тоа што никој од нас немаше поим какво патување поминало во последните 80 години – изјавила кустосот.

Вајет често сликал корици за издавачи на периодични изданија и романи. Сликата што ќе се најде на аукција овој месец е една од четирите што тој ги завршил за изданието на Рамона на Хелен Хант Џексон од 1939 година, првично објавено во 1884 година.

Во него, Вајт го насликал младиот насловен лик, свртен со постара згрижена мајка, додека меѓу жените се наѕира религиозна личност.

Рекордот на аукцијата за кој било член на семејството Вајт бил поставен минатата година за време на продажбата на колекцијата на ко-основачот на Мајкрософт, Пол Аљенде, која ја вклучуваше сликата на Ендрју Вајт од 1980 година „Домување“. Продадена е за над 23,2 милиони долари, седум пати повеќе од првичната проценка.

Оваа слика, купена за 4 се проценува дека ќе се продаде за 250.000 долари.

Овошје што може да ви предизвика надуеност

Здравје

пред 2 дена

Консумирање на одредени овошја понекогаш се поврзува со надуеност. Диететичарите тврдат дека постојат три вида на овошје чијшто внес треба да биде ограничен доколку страдате од овој проблем.

Јаболка

Иако можеби се најпопуларното овошје, јаболката се богати со влакна, што може да предизвика надуеност кај оние со чувствителен дигестивен систем. Исто така, јаболката содржат пектин, кој е тешко сварлив за некои луѓе и може да предизвика гасови и надуеност.

Лубеница

Лубеницата е омилено летно уживање со причина. Полна е со витамини и минерали, но и вода, што понекогаш може да доведе до привремена надуеност.

Манго

Мангото има многу хранливи материи, но и влакна и фруктоза, што може да биде причина за надуеност кај луѓето со чувствителен стомак. Природните шеќери и влакна во мангото може да ферментираат во дигестивниот систем, што доведува до гасови и надуеност.

Видео: „Најосамениот лав на светот“ пуштен на слобода

Животни

пред 3 дена

Рубен, „најосамениот лав на светот“ кој беше затворен во зоолошка градина во Азербејџан, конечно ја вкуси слободата.

Животното старо 15 години последниве шест години ги мина сам во тесен кафез. Својот нов живот ќе го продолжи во резерват за диви животни во Јужна Африка. Ова своевидно спасување почна откако беше откриено дека Рубен е единственото животно останато во зоолошката градина по смртта на бизнисменот кој беше нејзин сопственик.

Меѓународната организација за заштита на животните – АДИ, (Animal Defenders International) со седиште во Велика Британија, покрена иницијатива за префрлање на Рубен од малата куќарка каде што го минал животот, во дивината, но на безбедно место во Јужна Африка. Авиокомпанијата „Катар ерлајнс“ помогна во тоа.

– Бевме во солзи кога Рубен излезе од кафезот, шетајќи по тревата слободно првпат во својот живот, изјави претседателот на АДИ, Јан Кример.

Поради осамениот живот последниве години, Рубен заборавил и да рика, па АДИ се надева дека за него ќе почне „нов, среќен период на слобода“, како што изјавија оттаму.