Учениците „се варат“ во скопските училници - Родителите си ги кажаа маките од овие септемвриски денови

Вести

пред една недела

Бурни реакции на социјалните мрежи откако познатата инфлуенсерка Миа Костова реагаираше за неклиматизираните училници во скопски Центар.

- Планирам Андрија да ја почне школската година во октомври, не дека е свилен него дека бев вчера на родителска во 19:00, во училница беше 37 степена, верувам дека во 12:00 попладне е 57 степена. Ако Центар конкретно нема решение, јас имам. Ќе фатиме уште некоја плажа, па нека полага. Ако нема начин најново школо во државава да има климатизација, што останува за другите школи и општини. 2024 - неклиматизиран простор. Па има еден период од денот кога сонцето е директ во училници. Не знам стварно дали сте нормални? Ај големиве, а целодневна? Замислете училница на сонце, без клима и деца што трчаат низ неа. Па кратко било, да издржиме. Ништо не издржуваме, ја би бојкотирала настава, само така. Во спротивно ќе си го повлечам детето што доаѓа со мокри гаќи и чорапи дома па ќе се договараме за пропуштем материјал, напиша таа на својот фејсбук профил по што следеа голем број реакции од родители кои се исто така револтирани.

- Јас не сфаќам зошто нема клима во училниците ? Малиот мој во прво кога се запиша, влегоа во ганц ново школо, тогаш изградено. Клими само во канцелариите? Зошто прашав...немаше одговор. Понудив да купиме самите родители клими, но да се знае или за сите училници или да знам дека ќе учи во таа училница барем до петто, да не купуваме џабе. Ни тоа не пројде, не смеело родители да плаќаат?!? А како плаќаме за сапун, обезбедување и слично ?? И ме тешат "док стане многу топло они се на распуст" - споделува една мајка.

- Да, но како се менува климата и летото трае се подоцна, во септември ќе биде како јули. И еве го бидна, денес Скопје 35, гласи друг коментар.

- Затоа кај нас во училиште во Центар родителите се дресирани. На почеток, во прво одделение или купуваат клима или ја чистат. Кој како ќе си ја нареди. Јас веќе две училници реновирав затоа што моите деца немаше да имаат шкафче каде да си го остават ранецот и да го оставаат на земја, за разлика од оние што платиле, се жали друга мајка за своето искуство во основно училиште во Центар.

- Нека почнат подоцна со настава некаде после 15 септември како што е пример кај Јужниот сосед, гласи еден предлог за овој проблем на родителите.

Тепачка помеѓу две сестри во Скопје

Македонија

пред еден час

На 15.09.2024 во 12.15 часот во СВР Скопје, 48-годишна жена од Скопје пријавила дека, по претходна расправија, била физички нападната од нејзината сестра А.Б.(47) од Скопје, која употребила и тврд предмет.

По целосно документирање на случајот ќе следува соодветен поднесок, соопшти МВР.

Нова промена на цените на горивата од полноќ

Македонија

пред 3 часа

Од полноќ поевтинуваат горивата од половина до денар ипол, одлучи денеска Регулаторната комисија за енергетика.

Според новата одлука на РКЕ, Еуросупер БС-95 поевтинува за половина денар, Еуросупер БС-98 за еден денар, а Дизелот и Екстра лесното масло за домаќинство за денар ипол.

Новата цена на Еуросупер БС-95 ќе биде 73,5 денари за литар, Еуросупер БС-98 ќе се продава по цена од 75,5 денари за литар, а дизелот по цена од 67 денари за литар. Новата цена на Екстра лесното масло за домаќинство ќе биде 66 денари за литар.

Малопродажната цена на Мазутот М-1 НС се намалува за 0,989 ден/кг и сега ќе изнесува 41,328 ден/кг.

Нема настава во училиштата во Србија поради протест на просветните работници

Балкан

пред 4 часа

Во голем број училишта во Србија денеска нема настава или е скратена, поради протести на просветните работници организирани на плоштадите и пред училишните управи откако репрезентативните синдикати на просветните работници не го прифатија предлогот на Владата за зголемување на платите од јануари за 12 отсто, јави дописникот на МИА од Белград.

Четири репрезентативни синдикати во Србија – Синдикатот на просветните работници на Србија, Синдикатот на образованието на Србија, ГСПРС „Независност“ и Синдикатот на просветните работници на Србија бараат Владата да ја изедначи почетната плата на дипломираните наставниците со просечната плата во Србија, да им исплати новогодишен бонус и итно да донесат измени на законот со кои ќе се зголеми заштитата на наставниот кадар од се почестите напади од ученици и родители.

Претседателот на Форумот на средните стручни училишта, Милорад Антиќ, за новинарите изјави дека просветните работници само бараат да имаат иста просечна плата како и другите вработени во земјата и да им се гарантира законски безбедноста во образовните институции каде што работат. Просветарите го изразија своето незадоволство и од досегашните преговори со претставници на Владата за зголемување на платите.

Форумот на белградските средни училишта во соопштението наведува дека Главниот одбор на таа организација одлучил да го поддржи штрајкот не само затоа што се незадоволни од решенијата што ги нуди владата, туку и поради лицемерниот обид на претставници на министерствата за финансии и образование за поделба на вработените на наставен и ненаставен кадар.

Просветните работници порачаа дека доколку не им се исполнат барањата на 2 октомври, повторно ќе штрајкуваат.

-Ова е нашиот крик, доста е, изјави Снежана Романдиќ од Синдикатот на просветните работници на Србија за Н1 по протестот во Белград.

Романдиќ рече дека според проценките на синдикатот во Белград, во штрајкот учествувале околу 70 отсто од училиштата.