Кисела Вода испиша прекрасна „Скопска Новогодишна приказна“

Вести

пред 3 дена

Под насловот „Скопска Новогодишна приказна,“ синоќа пред салата Расадник, Општина Кисела Вода организираше незаборавна новогодишна прослава, која собра илјадници жители од Кисела Вода и Скопје. Настанот започна со настапот на „Куку Леле“ и под водство на харизматичниот Игор Џамбазов, кој настапи заедно со „Гуру Харе Бенд.“ Програмата продолжи со енергичните „ДНК,“ на кои им се придружи Врчак, кој по 15 години пауза повторно се појави на музичката сцена. Вечерта кулминираше со настапот на популарниот Лозано, кој заедно со публиката ја дочека Новата година.

Градоначалникот на Општина Кисела Вода, Орце Ѓорѓиевски, се обрати кон присутните граѓани непосредно пред полноќ, упатувајќи искрени новогодишни желби:

„Драги жители на Кисела Вода и Скопје, оваа вечер ви ја посветуваме вам и на радоста, љубовта и сплотеноста што ја носи Новата година. Ви посакувам добро здравје, лична и семејна среќа и уште многу успеси. 2025-та година да биде година на поубави можности и остварени соништа! Од срце ви благодарам што сте тука со нас, споделувајќи ја оваа магична Новогодишна ноќ. Заедно да броиме до нови успеси и светли моменти. Среќна Нова година!“-честиташе градоначалникот Орце Ѓорѓиевски.

Со заедничко одбројување, огномет го осветли небото над Кисела Вода, додека публиката со воодушевување пееше, играше и се забавуваше со изведувачите.

Настанот имаше и богат дневен дел, посветен на најмладите посетители. Програмата започна со настап на балетското студио „Лебед“, продолжи со Бисера Мојаноска и театарската група „Театар за тебе“. Малите посетители уживаа во веселите настапи на „Поточиња“, аниматорите и Дедо Мраз, кој овој пат беше во друштво на ликот Гринч. Сите присутни деца добија празнични пакетчиња, кои дополнително му додадоа магија на Новогодишниот ден.

Фризурата не им се допаѓала на класната и на директорката па ученик плачејќи сам си ја скратил, утврдена дискриминација во Миравци

Македонија

пред еден час

Комисијата за спречување и заштита од дискриминација утврдила дискриминација во Миравци, откако ученик од основното училиште „Свети Климент Охридски“ сам си ја исекол косата плачејќи поради тоа што фризурата не им се допаднале на класната, педагогот и на директорката, пренесува СДК.мк.

Мајката на момчето за случајот ја известила Комисијата на почетокот на септември. Таа рекла дека претходно од училиштето добила порака дека нејзиниот син требало да дојде „среден“ во косата и навела дека тој немал долга коса.

На 1. септември таа го испратила синот со опавче, а истиот ден директорката на училиштете усно наредила на класната да го отстрани опавчето на детето и следниот ден детото да дојде со „средена“ фризура.

Детето не кажувајќи дома, а по разговор со мајката и со класната, плачејќи земало ножички и само си ја скротило косата над очите. Следниот ден ученикот заминал да ја поправи косата на фризер. Мајката вознемирана побарала разговор со директорката, која ја информирала дека училиштето имало кодекс на облекување.

Мајката била предупредена и од педагогот дека ако не ја средело фризурата, нејзино дете ќе добие укор што е мерка пред бркање од училиште, по што случајот го пријавила и пред Народниот правобранител.

27 годишна девојка паднала од зграда во Скопје и починала

Македонија

пред 3 часа

Вчера попладне беше пронајдено безживотното тело на 27-годишната М.Ф. од Кратово на улицата Миле Поп Јорданов, каде што девојката престојувала во главниот град.

Според информациите од Министерството за внатрешни работи (МВР), случајот бил пријавен во полиција во 16:12 часот.

„Полициски службеници излегоа на местото на настанот и беше потврдено дека станува збор за пад од висина. Лицето беше пронајдено починато, што беше констатирано од екипата на Итната медицинска помош. По насоки од јавен обвинител, телото на починатата беше предадено за обдукција. Од полицијата додаваат дека во тек е истрага за расчистување на околностите поврзани со случајот“, информираа од МВР.

Мотивите за несреќата засега остануваат непознати, а дополнителни детали ќе бидат објавени по завршувањето на истрагата.

Божиќните празнувања во Бигорски почнуваат од утре

Македонија

пред 4 часа

Божикните празнувања во Бигорскиот манастир почнуваат од утре наутро, со благослов на епископот Антаниски г. Партениј, игумен на Свештената бигорска Обител, информираа од овој мнастир. Оттаму ги покануваат сите верници кои имаат желба да го прослават светлото Рождество Христово да дојдат во манастирот.

- Утре во 7.30 часот ќе биде отслужена Божествена литургија во спомен на Светиот отец наш Наум Охридски, додека во 16 часот почнува вечерната богослужба. Во понеделник во 6.30 часот ќе биде отслужена утрена богослужба, еден час подоцна, царски часови за Рождество Христово, а во 9.30 часот, голема вечерна богослужба со Света Василиева литургија, информираа од Бигорскиот манастир.

Во предвечерието на големиот празник, од 18 до 19:30 часот, ќе има Бадникова закуска со пеење на божикни каланди.

- Во 21 часот почнува сеноќно бдение во чест на светлото Рождество Христово, големо повечерие со литиски и стиховни, утрена и Божествена Василева литургија, со којашто ќе чиноначалствува владиката Партениј. На божикните празнични богослужби можат да присуствуваат сите коишто имаат желба да го прослават светлото Рождество Христово во нашата свештена Обител, заедно со монашкото братство, нагласуваат од Бигорски.