Од додатни трошкови нема да бидат исклучени ни оние кои на пат во Грција ќе тргнат со свој автомобил, бидејќи е планирано цената на бензин и дизел да биде зголемена за пет, односно осум одсто. Данокот ќе биде зголемен и за цигари и фиксна телефонија

Се очекува грчката влада да го зголеми данокот на храна и пијалоци, а тоа неминовно ќе се одрази и на цените во продавници, кафулињата и ресторани, а до небо скокаат и цените на бензин, јавен сообраќај, цигари…

Грчките медиуми наведуваат дека данокот ќе биде зголемен од 23 на 24 одсто, што зачи дека туристите кои планираат да летуваат во Грција, поскапо ќе го плаќаат месото, лебот, млечните производи, тестенините, чајот, кафето, пивото, а и овошјето и зеленчукот.

Освен намирниците во продавници, поскапи ќе бидат и оброците во ресторани и пијачки во кафе барови, а за оние кои сакаат да ги посетат околните плажи, важна е информацијата дека ќе поскапи и јавниот превоз.

Од додатни трошкови нема да бидат исклучени ни оние кои на пат во Грција ќе тргнат со свој автомобил, бидејќи е планирано цената на бензин и дизел да биде зголемена за пет, односно осум одсто. Данокот ќе биде зголемен и за цигари и фиксна телефонија.

Економистите пак велат дека секоја држава кога треба да „набере“ пари, се ориентира токму на храната и пијалокот, бидејќи потрошувачката на тие намирници никогаш нема драстично да се намали, бидејќи народот мора да јаде.

„Тоа не е спектакуларно зголемување на цените, но секако ќе поскапат производите во малопродажните објекти. Секој данок, па и оној најминималниот, влијае на цените и создава додатни трошоци. Сигурно е дека Грците не сакаат да нанесат штета на својот туризам, но со ваков потег и тоа баш пред самиот почеток на туристичката сезона, ќе изгубат дел од туристите, кои под претпоставка ќе се ориентираат кон Бугарија, Црна Гора и Турција“, велат дел од економските експерти.

Сместувањето поскапо за 50 евра

Хотелски и апартмански смештај во Црна Гора и Грција оваа година ќе биде поскап за околу 50 евра за десет дена.

„Побарувачката е голема, а помала понудата па цените се повисоки“ , велат од една агенција.