Причината за трагедијата во вилата „DND“ на влезот во Ниш, засега не е позната. Засега е познато дека рецепционерот Дејан Јовановиќ го усмртил својот работодавец Дејан Дејанчиќ, а потоа се застреал себе си. Лекарите од Нишката Неурохируршка клиника се борат за животот на Јовановиќ.

Ден по крвавата драма, комшијата во Железничката улица за Јовановиќ имаат само пофални зборови. Велат дека буквално живеел за таа работа, и дека таму постојано го поминувал поголемиот дел од времето. Живеел во куќа заедно со сестра му, зетот, и нивните две деца.

„Кај куќата не го ни гледавме. Работеше пред оваа работа како таксист, и секогаш го знаевме како пристојно момче“, велат за Вечерни новости комшиите кои веруваат дека мора да постои некој силен мотив да Дејан дигне рака на некој друг. Додаваат дека не бил склон на агресивно однесување.

Сестрата Гордана е во шок. Се обидела да го убеди Дејан да се предаде на полицијата, но тој останал нем зад затворените врати од хотелот.

„Ништо не можам да ви речам и самата не знам што се случило. Не сум во состојба да ви кажам било што. Стравувам дали ќе преживее. Единствено тој може да ни помогне да ова убиство се расветли, затоа што тој само знае што го мачело“, вели несреќната жена.