Знаете ли кои историски личности се наоѓаат на популарните карти за играње?

Забава

на 1.2017

Речиси нема ниту една личност во светот која барем еднаш во животот не играла некоја игра со карти. 52-те карти добро се познати низ целиот свет, а ликовите крал, дама и џандар речиси се универзални и секаде препознатливи. Но, дали сте знаеле дека зад нивните ликови не се кријат измислени јунаци, како производ на нечија имагинација, туку вистински историски личности?

За тоа како картите дошле до Европејците, денес постојат повеќе теории, а најверојатна е онаа која вели дека тие пристигнале од Кина, Индија и Персија најверојатно во втората половина на 15-тиот век, бидејќи од тогаш почнуваат првите забрани од црквата кои ги казнувале сите оние кои се коцкале и ѝ се придружувале на оваа „ѓаволска работа“. Составот и изгледот на картите се разликувал од држава до држава. На пример, Италијанците имале 56 карти, а вообичаените 52 карти кои и денес се најмногу распространети, водат потекло од француските карти од 15-тиот век.

Историчарите сѐ уште шпекулираат дека картите со четири знаци, детелина, лист, баклава и срце, претставуваат четири средновековни слоеви на општеството. Детелината ги симболизира селаните (детелината е храна за свињи), листовите ја симболизираат аристократијата, баклавата богаташите, а срцето старешините на црквата. Некаде во ова време почнува и масовното производство на карти кога речиси целосно се заменува рачното сликање кое се практикувало дотогаш. Француските мајстори станале познати низ Европа, пред сѐ поради тоа што се усовршувале со помош на дрвени блокови и бакарни плочи, кои им овозможиле картите да ги произведат многу побргу отколку кој било друг. Токму тие почнале да им доделуваат имиња на „картите со ликови“, односно крал, дама и џандар, но идентитетот на личностите кои ги претставувале го менувале во зависност од произведувачот и неговите желби.

Кралеви

Особено личностите кои се наоѓале на картата на кралот биле подложни на промени.

Крал срце

Карло Велики – Крал на Франките, крунисан во 800-тата година, прв цар на француското царство и прв цар во западна Европа по пропаѓањето на Западното римско царство.

Шарл VII Победникот – Француски крал од династијата Валоа кој владеел на средината на 15-ти век. Успеал да ја ослободи Франција од Англија за време на Стогодишната војна и да ја реформира војската во државата.

Шарл VI Лудиот – Интересно е тоа што во повеќето карти кралот срце е единствен кој нема мустаќи. Причината за тоа треба да се бара во начинот на производство на овие карти. Според приказната, некој помалку вешт производител лошо го изработил дрвениот калап и така го изменил првобитниот дизајн на картите. Кралот срце така ги изгубил мустаќите, а и првобитната секира му била заменета со меч. Некои во ова виделе намера овој крал да се претстави како Шарл VI Лудиот, кој немал мустаќи и кој бил ментално болен, а за кого се зборувало дека се убил прободувајќи се со мечот. Затоа, оваа карта понекогаш се нарекува и „крал самоубиец“.

Крал лист

Давид – Библиски крал на Израел и Јудеја. Според преданијата, бил наследник на првиот крал на Израел и оној кој ги обединил 12-те племиња на Израел.

Крал баклава

Гај Јулие Цезар – Римски војсководец, политичар и писател.

Крал детелина

Александар Велики – Македонски крал и познат освојувач кој создал царство кое се простирало од Грција до Индија.

Кралица/дама

Идентитетот на кралицата на картите е уште потешко да се утврди, затоа што тие не биле толку познати. Во продолжение е прикажано најпознатото толкување.

Кралица срце

Јудит – Библиска личност, убава вдовица која го искористила својот шарм и итрина да му ја отсече главата на асирскиот војсководец Холоферн.

Изабел од Баварија – Жена на Карло VI и мајка на Карло VII.

Кралица лист

Атина – Грчка божица на мудроста.

Јованка Орлеанка – Француска хероина од Стогодишната војна, изгорена на клада.

Кралица баклава

Рахила – Библиски пророк и прва жена на пророкот Јаков, еден од трите големи еврејски патријарси, мајка на Јосиф и Венијамин.

Кралица детелина

Аргина – Анаграм од зборот регина, што на латински јазик значи кралица, или може да означува искривен облик од името Аргеја, како што се викала митолошката принцеза од Арга.

Агнес Сорел – Прва официјално призната љубовница на некој француски крал.

Јунона – Кралица на боговите во римската митологија, еквивалентна на Хера.

Џандари

Имињата на џандарите, односно витезите, останале константни и никогаш не се промениле.

cards four cards 09 jacks joker.

Џандар срце

Ла Ир – Соборец на Јованка Орлеанка, витез и херој на Франција.

Џандар лист

Холгар Дански – Лик од данската епска поезија, витез на Карло Велики кој според легендата бил киднапиран од страна на вештицата Морган ла Феј, сестра на кралот Артур.

Џандар баклава

Хектор – Тројански јунак, син на тројанскиот крал Пријам и соперник на Ахил.

Џандар детелина

Јуда Макавејски – Херој на еврејскиот бунт против владеењето на Селеукида во првиот век пред новата ера.

Ланселот – Друг витез од легендата за Артур, заљубен во кралицата Гиневра.

По француската револуција, била прекината практиката за печатење имиња на картите, затоа што било потребно што побргу да се прекине со монархистичките обележја. Затоа, може да се каже дека денешните кралски фигури на картите (особено кога знаеме дека повеќето од нив се произведуваат во Кина), најверојатно немаат многу заедничко со нивните оригинални модели. Сепак, приказната останува.

Шер објасни зошто се забавува со далеку помлади мажи: Изјавата ја опишуваат како бизарна

Забава

пред 20 часа

Славната Шер (77) од почетокот на минатата година е во врска со 39 години помладиот рапер Александар Едвардс (38).

Поради значителната разлика во години, нивната врска наиде на различни коментари, а пејачката сега откри зошто сака да излегува со помлади мажи.

– Причината поради која излегувам со помлади мажи е затоа што мажите на моја возраст се стари и сите мртви. Пред тоа беа премногу исплашени да ми пријдат. Помладите мажи беа воспитани од жени како мене – изјави таа во една емисија.

Пејачката и раперот се запознале во септември 2022 година, а набрзо започнале врска. Тие раскинаа во мај 2023 година, но се смирија. Откако повторно почнале да излегуваат, пејачката кажала колку сето тоа било неочекувано.

– Им реков на пријателите, не се заљубувајте во помлади мажи, премногу сме стари. И не се заљубувајте преку пораки. Мојата теорија пропадна – изјави претходно таа за странските медиуми.

Кевин Спејси ги негира новите обвинувања за сексуален напад, наведени во документарен филм

Џет Сет

пред 22 часа

Во интервју со поранешниот новинар на GB News, Ден Вутон, Спејси ги негира наводите за сексуално вознемирување и напад, велејќи дека понекогаш „можеби постапувал несоодветно“, но не и незаконски.

„Ја преземам целосната одговорност за моето минато однесување и постапки. Но, не можам и нема да преземам одговорност или да се извинувам на некој што измислил работи за мене или преувеличувал приказни за мене“, рече Спејси, пренесе Би-би-си.

Тој додаде дека никогаш не понудил помош за кариера во замена за сексуални услуги.

„Јас јасно се поврзав со некои мажи кои мислеа дека можат да ги унапредат своите кариери преку однос со мене. Но, немаше врска со мене, сето тоа беше дел од нивниот план, кој секогаш беше предодреден да пропадне бидејќи не бев вклучен во договорот“, изјави актерот.

Актерите Руари Канон и Дени ДеЛило се меѓу оние кои упатуваат нови обвинувања против Спејси во документарецот.

И двајцата во изјави за медиумите зборуваа за непримерното однесување на Спејси кон нив.

На 26 јули минатата година, поротата во судот во Лондон го прогласи Спејси невин за сексуално вознемирување на четворица мажи.

Спејси беше ослободен од девет обвиненија, вклучително и „сексуален напад, поттикнување лице на сексуална активност без согласност и поттикнување лице да се вклучи во пенетративна сексуална активност“.

За време на судењето, Спејси ја негираше вината, велејќи дека „не ја искористил својата моќ за да воведе неименувани мажи во кревет“.

Тој ги опиша обвинувањата како „убод во грб“.

Бритни Спирс жестоко се скарала со момчето, па полугола ја изнеле од хотелот

Џет Сет

пред 23 часа

Службите за итни случаи одговориле на инцидентот меѓу Бритни Спирс и нејзиното момче Пол Ричард Солиз во хотелот Шато Мармонт во Лос Анџелес вќера рано наутро, пишува Page Six.

Изворите тврдат дека двојката се скарале додека биле во луксузниот хотел, а портпаролот на противпожарната служба во Лос Анџелес, Брајан Хемфри, потврдил за Page Six дека 911 биле повикани во Шато Мармонт кратко по полноќ. „Добивме повик на 911 со пријавување повредена возрасна жена. Повикувачот немаше многу информации за повредата. Испративме едно возило на местото на настанот“, изјави претставник на противпожарната служба во Лос Анџелес.

До 01 часот и 17 минути на местото пристигнала брза помош, а на повикот се јавиле само пожарникарите, додека полицијата не била на терен. Извор изјавил за Page Six дека Спирс, која живее во блискиот Thousand Oaks, Калифорнија, го напуштила хотелот со обезбедување и е „сега дома и безбедна “.

Пејачката е видена како го напушта хотелот боса, во долна облека, завиткана во ќебе и држејќи перница во рацете. По инцидентот, изворите рекоа дека пријателите на пејачката биле многу загрижени за нејзината врска со Солиз, а еден пријател рекол: „Тој е лоша вест од самиот почеток“.

Во август 2023 година, Спирс се шпекулираше дека се „зближува“ со Солиз, нејзиниот поранешен куќен помошник, но упатените во тоа време рекоа дека се загрижени за неговото криминално минато. Судските записи покажуваат дека тој бил обвинет за повеќе прекршоци, па дури и кривично дело затоа што поседувал огнено оружје.

За потсетување, во средата беше финализиран разводот меѓу Спирс и нејзиниот поранешен сопруг Сем Асгари. Парот се разведе во август минатата година по 14 месеци брак. „Бритни врти нова страница“, изјави извор за Page Six претходно, додавајќи дека разводот бил финализиран „пријателски“ со „строг предбрачен договор“.