Колку пари заработува Червар како селектор на Македонија?

Спорт

на 2.2017

По завршувањето на светското ракометно првенство во Франција, светските медиуми ги открија платите на селекторите на репрезентациите кои учествуваа на истото.

Очекувано е на врвот на оваа листа да биде предводникот на катарската репрезентација, Валеро Ривера кој застана на чело во 2013 година. До 2015 година ја направи конкурентна на Мундијалот, на кој беа домаќини. Шпанецот заработува неверојатни 800.000 евра годишно, а досега на Катар му има донесено сребро и пласман во четвртфиналето на овогодишното СП во Франција, исфрлајќи го европскиот шампион Германија.

Исланѓанецот, Дигур Сигурдсон, кој ја предводеше германската репрезентација, заработи околу 450.000 евра годишно. Но, уште пред почетокот на Мундијалот во Франција, Сигурдсон го најави своето заминување и преселба на клупата на Јапонија за 600.000 евра годишна плата.

Францускиот стратег, Дидие Динар има договор од 250.000 евра, додека предводникот на данската репрезентација, Гудмундур Гудмундсун работи за „минималец“ од 160.000 евра годишна плата. Бившиот тренер на ППД Загреб, Вардар и сегашен предводник на Словенија, Веселин Вујовиќ добива околу 6.000 евра месечно, а за тие пари ѝ донесе бронзен медал од Франција.

Нашиот репрезентативен тренер и предводник на екипата на Металург, Лино Червар има договор од 250.000 евра годишно, за да ги извршува двете работи.

Митревски блескаше на голот во португалското дерби

Спорт

пред 5 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред една недела

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот