Запознајте ја новата држава „Република Северна Македонија”

Запознајте ја новата држава „Северна Македонија“ (Meet a new country: “Northern Macedonia“). Ова е наслов на текстот во дигиталното издание на влијателниот британски медиум „Економист“.

Весникот во своето печатено издание во текст со наслов „Во име на мирот“ објавува анализа за договорот за името меѓу Македонија и Грција во која објаснува дека по 30 години конфликт двете земји се договориле Македонија да се нарекува Северна Македонија.

Во текстот освен за историјата на конфликтот за името Економист пишува за пофалните зборови што Ципрас и Заев ги добиле од светските лидери како и за проблемите со Каменос, грчката опозиција и претседателот Иванов кој одби да го прифати договорот.

Според Економист договорот ќе и овозможи на Македонија брзо да се придружи на ЕУ и НАТО со што ќе се олабават западните влади кои се уште се плашат од ентички конфликти во земјата

Во каква ќелија е сместен Сашо Мијалков во Шутка?

Сашо Мијалков во затворот Шутка е сместен во обична ќелија со други притворени лица кои не се поврзани со ниеден од предметите на СЈО.

„Обвинетото лице Сашо Мијалков не е сместен во хашките ќелии, како што ги нарекувате. Тој е сместен во ќелија на приземјето од затворот, со други осомничени лица“, изјави директорот на затворот Шутка Ѓоко Котевски.

Хашката келија се наоѓа на горниот спрат и е зафатена од неговиот кумашин Орце Камчев кој е во притвор по барање на СЈО за предметот „Империја’.

ВИДЕО од пристигнувањето на Мијалков со лисици на рацете во Шутка

Притвор од 30 дена му е одреден на порнешниот директор на УБК, Сашо Мијалков на барање на Специјалното јавно обвинителство.

Од СЈО информираа дека притворот на Мијалков е за предметот „Таргет – Тврдина“.

По Кирил Божиновски и Миле Јанакиески, Мијалков е третиот приведен функционер од поранешната власт по бегството на екс премиерот Никола Груевски.

Како бил уапсен Сашо Мијалков

Поранешниот директор на УБК, Сашо Мијалков бил уапсен на препад и очигледно без да насети дека му се подготвува апсење, што е потврдено и од неговиот двокат Антонио Апостолски, кој најави жалба на одлуката за притвор.

Според фотографиите до кои ексклузивно дојде 24 Инфо, Мијалков денеска вообичаено дошол во хотелот „Мериот“ каде што редовно престојувал. Со него биле и седумина обезбедувачи со кои прошетал низ центарот на градот.

Неофицијално, тој бил уапсен без да даде отпор, односно не реагирало обезбедувањето, па Мијалков бил приведен. Сепак, внимние кај граѓаните предизвикало силното чкрипење на гуми од гаражата на „Мериот“ од каде излегол автомобил, што не е вообичаена практика. Не е познато дали автомобилот бил на Мијалков, или на „алфите“ кои го апселе.

„Недозволиво е судија на претходна постапка или кривичен совет да не ја извести странката, во случајов Сашо Мијалков, дека за него се бара мерка притвор. Можеби тој ќе понуди патна исправа или гаранција. Странката мора да се произнесе во секој случај. Мијалков не беше известен дека за него се бара притвор. Мислам дека судот ги пречекорува своите овластувања, изјави за „Макфакс“ адвокатот на Мијалков, Антонио Апостолски.

Тој додаде дека ќе приложи жалба на одлуката за притвор.

Популарно