Орбан се извини преку писмо

Унгарскиот премиер Виктор Орбан испрати писмо до лидерите на европските конзервативни партии кои побараа исклучување на неговата партија Фидес од Европската народна партија (ЕПП).

Во писмото, Орбан се извинува за користењето навредлив јазик, но наведува дека нема промени во политичките ставови.

Унгарскиот премиер побарал од лидерот на белгиската партија Христијански демократи и фламанци Ваутер Беке повторно да размисли за предлогот за исклучување на неговата Фидес од ЕПП.

Портпарол на унгарската Влада изјави дека такви писма се испратени до сите 13 партии кои се приклучија кон предлогот. 

ФОТО: Цел свет ги бара

Непосредно пред избивање на пожарот во париската катедрала Нотр Дам снимена е фотографија која ги запрепасти корисниците на друштвените мрежи.

Само еден час пред  разорниот пожар да ја зафати париската катедрала Нотр Дам, татко и ќерка се снимени како весело си играат пред историскиот споменик, а фотографијата после тоа стана вирална.

Фотографијата е снимена пред заоѓањето на сонцето и пред пожарот кој го осветли париското небо, кој беше локализиран околу 3 часот утрината, откако прво го „проголта“ објектот, а набрзо потоа и целиот кров.

Брук Виндзор вели дека снимила фотографија од татко и ќерка кои уживале пред 850 години стариот споменик, кој годишно го посетуваат 14 милиони туристи.

Таткото уште не е идентификуван, но фотографијата веќе заврши во голем број медиуми и веројатно е само прашање на време кога ќе биде пронајден.

ФОТО: Крстот стои исправен по големиот пожар во Нотр Дам

Пожарот во катедралата Нотр Дам е ставен под контрола  во 3 часот утрово, по осумчасовната огнена стихија, соопшти противпожарна служба на Париз.

Пожарот кој со тага го гледаше цел свет, брзо се распламти, изгоре главната кула, која потоа се урна, а набрзо и целиот покрив по неа.

Во пожарот еден пожарникар е тешко повреден.

Во вантрешноста на катедралата денеска, крстот стои исправен.

Европа е се поблиску до катастрофа, ова нè чека во 2100-та година

Истражувањето претставено на состанокот на Европската геонаучна унија во Виена предвидело дека до крајот на векот глобалното затоплување ќе стопи голем дел од мразот кој го обликува изгледот и екосистемот на денешните Алпи, а тоа го предвидуваат швајцарските научници.

Дури и ако светот успее да ја постигне зададената цел за глобално затоплување на помалку од два степени Целзиусови во однос на прединдустриското ниво, две третини од ледниците во европските планински ланци ќе исчезнат до 2100-та година, тврдат научниците од ETH во Цирих. 

"Алпите во главно ќе бидат без мраз до 2100-та година и само изолирани "парчиња" мраз ќе останат на врвовите", рекол коавторот на истражувањето, Матијас Хус.

Научниците сметаат дека веќе од 2050-та година нема да има половина од мразот на алпските врвови, а во другата половина векот растот на температурите ќе биде многу поизразен.

Проблемот е што намалувањето на ледниците на Алпите ги пореметиле екосистемите и ќе влијае на економијата на тоа подрачје, бидејќи тие привлекуваат туристи.

Меѓутоа, од нив со вода се снабдуваат растителниот и животински свет, а но и земјоделството и хидроелектраните.

Популарно