ВИДЕО: Новак Ѓоковиќ - морам што побрзо да се оженам со Јелена!

Спорт Забава Се и сешто Живот

на 11.2013

По финалето во Лондон, водителот на програмата и Новак Ѓоковиќ свртеа еден круг околу арената и зборуваа со вклучена камера. Водителот му рекол на Ноле дека иако се верил оваа година тој забележал дека од тогаш тој нема еден пораз. Инаку да потсетиме Ноле ја запроси својата долгогодишна девојка по поразот на УС Опен.

Ноле на ова изјави: "Мислам дека тоа е логичен чекор напред во нашата врска, таа е мојата најголема поддршка, покрај семејството, во последните осум години и одлучив да го направам тој природен следен чекор... За мене беше важен настан, кога ја запросив. Тоа се случи после УС Опен, а од тогаш немам изгубено натпревар."

Со насмевка на лицето Ноле додаде.

"Изгледа ќе морам да ја оженам многу брзо за да продолжи овој тренд на победување".

Митревски блескаше на голот во португалското дерби

Спорт

пред 4 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред 6 дена

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред 7 дена

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот