Почина водачот на најопасните ограбувачи во светот - „Пинк Пантер“

Најважниот актер во спектакуларниот грабеж кој се случи во Дубаи во 2007 година, Борко Илинчиќ (35), бил пронајден мртов во својата затворска ќелија, пишуваат белградските медиуми.

Борко Илинчиќ бил „мозокот на операцијата“, кога на 15. \ април 2007 година во трговскиот центар „Вафи“ во Дубаи, криминалната банда наречена „Пинк Пантер“ од јувелирница однесоа накит вреден 11 милиони евра.

Групата на Илинчиќ со два автомобилa „aуди“ влетала во трговскиот центар го пробиле излогот на златарницата „Граф“ и за помалку од една минута ограбиле накит, дијаманти и часовници во вредност од 11 милиони евра.

Успеале да се вратат во атомобилите, кои откако побегнале ги запалиле.

Илинчиќ во февруари 2014 година бил уапсен во Мадрид, а во октомври минатата година од Шпанија е екстрадиран во Обединетите Арапски Емирати. Тој бил осуден на 10-годишна затворска казна.

Како што пренесуваат белградските медиуми, тој во затворот во Дубаи, најверојатно, починал од инфаркт.

Братот на починатиот заминал во Дубаи за да го преземе телото, а како што изјавил негов близок пријател, семејството се сомнева дека Илинчиќ не починал од инфаркт, туку смета дека бил убиен.

Македонски дилери на хероин уапсени во Прага

Полицијата во Прага уапсила четворица македонски државјани – дилери на хероин, објавија чешките медиуми. При апсењето, кај нив биле пронајдени повеќе од еден милион круни и илјадници евра, еден килограм висококвалитетен хероин и оружје.

Како што објави СДК.МК, уапсените се на возраст од 20 до 41 година, а еден од нив бил поранешен војник и имал искуство во војните во бивша Југославија.

Полициската акција се случила во јуни, но полицијата денеска ја објави, бидејќи, како што соопштил портпаролот Томаш Хулан, им било потребно време да завршат со вештачењето.

Проценка на полицијата е дека групата заработила милиони круни од шверц на дрога. Уапсените продавале хероин најмалку две години, а го носеле од Балканот. Уапсените се во притвор и се соочуваат со казни затвор до 10 години за дилање дрога, а еден е обвинет и за недозволено поседување оружје.

(ВИДЕО) Погледнете како Путин го понижил Асад сред Сирија

Во прилично понижувачкиот момент за претседател на една држава, руските војници вчера сред Сирија му го попречиле патот на Башар ал-Асад, кога тргнал по рускиот претседател Владимир Путин за време на воениот поздрав.

Потсетуваме, Путин во понеделникот дошол во ненајавена посета на Сирија, а вчера во руската база во покраината Латакија имал смотра со војниците, каде им честитал на победата против терористите на ИСИС и наредил повлекување на поголем дел од руските сили од таа држава. 

Како и во неодамнешната посета на Москва, Асад не го криел своето воодушевување при средбата со Путин, прегрнувајќи го при средбата пред камерите, откако рускиот претседател се симнал од авионот.

Но, само неколку моменти подоцна, кога Путин тргнал да се сретне со своите војници, Асад тргнал по него - но, не стигнал далеку. Еден од руските војници кои го окружувале веднаш му го блокирал патот со рака, и судејќи по снимката, му дал до знаење дека не може да продолжи со Путин.

Асад со својот гест му дал до знаење дека ја сфаќа наредбата и послушно останал на место, додека Путин продолжува да оди кон рускиот војник. Судејќи по снимката, сириски војници нема никаде во близина. Треба да се истакне уште еднаш, ова се случува во Сирија, земја во која Асад е на власт од 2000-тата година, пишува Daily Mail.

Русија е клучен сојузник на сирискиот режим, а нејзината воена интервенција во таа земја била пресуден фактор во пресвртот во граѓанската војна која трае од 2011-тата година, и во која биле убиени 400.000 луѓе.

Москва, која во Сирија започнала воена акција во септември 2015-тата година, официјално пратила помеѓу 4 и 5 илјади војници. Меѓутоа, независните аналитичари проценуваат дека тој број во реалност е многу повисок и тврдат дека значителен дел од руските сили во Сирија се платеници - иако Москва ги демантира таквите тврдења и со закон им забранува на своите граѓани да се борат како платеници. Бројот на руски жртви во војната веројатно е значително поголем од официјалната бројка од 40 загинати војници.

Како и да е, Русија судејќи по сè, ја остварила својата мисија - го спасила својот сојузник во Дамаск и го зацементирала своето доминантно влијание, додека во исто време американското влијание е сè послабо во поширокиот регион. Асад номинално и натаму останува на власт, но неговиот режим во целост зависи од Москва, како и од Техеран. А оваа снимка ја оцртува таа рамнотежа на силите.

Еј-Би-Си: Експлозијата во Њујорк е подметната бомба - има повредени

Полицијата информираше дека реагира на терен и дека се уште не е утврдена причината за експлозијата.

Според телевизијата Еј-Би-Си, се работело за напад со импровизирана експлозивна направа, при што неколку лица биле повредени, а напаѓачот бил приведен. Овие информации се уште не се потврдени од страна на полицијата.

Исклучително прометните метро станици Тајмс Сквер и Порт Ауторити се евакуираат од страна на полицијата додека возовите не застануваат на овие станици. Двете метро станици се поврзани со подземен пешачки тунел, и очевидци велат дека патниците сами почнале да бегаат штом ја слушнале силната експлозија.

Популарно