Возачите на Формула 1 бараат Меѓународната автомобилска федерација (ФИА) да ги третира како возрасни, откако неколку возачи беа казнети за вулгарности во последните недели, пишуваат германски медиуми.

 Тие го советуваа и претседателот на организацијата, Мохамед Бен Сулејем, да внимава со сопствениот јазик.

Меѓу казнетите е и светскиот шампион Макс Верстапен, кој на прес-конференција во Сингапур со непристоен збор ја опиша состојбата на својот автомобил. Бен Сулејем во интервју за „Аутоспорт“ пред несреќата изјави дека возачите имаат голема одговорност пред луѓето. Тој побара од нив да престанат да пцујат на тимското радио и да престанат да се однесуваат како рапери.

Седумкратниот светски шампион Луис Хамилтон од Мерцедес го повика Верстапен да не ја плаќа казната и рече дека има „нијанса на расизам“ во зборовите на Бен Сулејем. Синдикатот на Гран-при возачите (ГДПА), чиј директор е вториот пилот на Мерцедес, Џорџ Расел, сè уште размислува како да постапи, но ја искористи својата платформа за да го критикува претседателот на ФИА.

-Постои голема разлика помеѓу пцовките наменети да навредат некого и пообичните што луѓето често ги користат во лоши временски услови или за неживи предмети како што се нашите автомобили. Тие се користат и во одредени ситуации при натпревар“, пишува во отвореното писмо на ГДПА.

Оттаму го повикаа претседателот на ФИА да размисли за сопствениот тон и јазик кога зборува за возачите на Формула 1 во јавна средина.

-Членовите на нашата организација се заштитно лице на најпопуларниот автомобилски спорт. Тие се гладијатори и на секој тркачки викенд приредуваат одлично шоу за поддржувачите. Последно, но не и најмалку важно, членовите на нашата организација се возрасни. Не треба да добиваат инструкции од медиумите за нештата кои се толку тривијални како накитот или долната облека што можат да ја носат, се додаба.

Токму Хамилтон има стара караница со Бен Сулејем, откако пред Големата награда на Британија во 2022 година, натпреварувачот беше принуден да отстрани пирсинг пред да влезе во пилотската кабина на болидот на Мерцедес. Тој го повика Верстапен да не ја плаќа казната, а од ГПДА објаснија зошто.

-ГДПА постојано се спротивставува на парични казни. Тие не се соодветни за нашиот спорт. Во последните три години, постојано баравме од претседателот на ФИА да сподели детали за стратегијата на централата со казни. Што се случува со овие пари и каде се трошат тие? Паричните казни му штетат на имиџот на нашиот спорт. Уште еднаш го повикуваме претседателот на ФИА на транспарентност и директен дијалог со нас, додаваат од организацијата.

Вардар се најде во неочекуван проблем пред натпреварот со Порто во Европската лига на ЕХФ. Голема е веројатноста тренерот Владо Недановски да го нема на располагање Вуко Борозан.

Црногорскиот бек имал неубава ситуација во неделата. За време на прошетка на неговите деца, Борозан бил нападнат од кучиња и морал да ги одбрани своите деца. Случката ја откри тренерот Недановски на прес-конференцијата пред мечот со Порто.

„За жал имаме неколку повредени играчи, 4-5 ракометари. Се случуваат неочекувани работи во нашиот главен град. Вуко Борозан шетајќи со своите деца беше нападнат од кучиња и заврши во болница. Бранејќи ги своите деца заработи 14-15 конци“, откри тренерот на вардарци.

Борозан по случката завршил во болница, повреден и „искасапен“ од кучињата, па морал да добие 14-15 конци. 

Недановски откри дека голема е веројатноста Борозан да не настапи во дуелот против Порто. 

Поранешниот македонски репрезентативец Гоце Седлоски повторно се враќа на клупата на Вардар, дознава ЕКИПА.

Одлуката е веќе донесена од страна на новото раководство на клубот, а се очекува само официјалната промоција на Седлоски како нов тренер на црвено-црните кој низ периодот на пауза во првенството, поради репрезентативните активности, ќе треба да го консолидира тимот по лошиот старт на сезоната.

50-годишниот Гоце Седлоски беше спортски директор на клубот во сезоната 2014/2015, а од 2015 до 2017 година беше и шеф на стручниот штаб на Вардар со кого освои и шампионска титула.

По заминувањето од Вардар беше тренер и на летонска Рига, босанскиот Широки Брег како и вториот тим на Динамо Загреб, по што повторно се врати во Македонија предводејќи ги Шкупи и Работнички.