Химната на Република Македонија избришана од учебниците по музичко во основно

- Некој мислеше дека на Тамара навистина толку и бил капацитетот, згрешила или пак не ја научила химната на Македонија?! Дека ненамерно немаше химна при посетата на Ципрас?!- пишува на својот Фејсбук профил претседателот на ВМРО-ДПМНЕ ОК Карпош, Тони Јаревски.

- Доколку некој се уште е на тој став се лаже самиот себеси. Уште еден чин од процесот на демонтажа на Македонија, македонскиот јазик, идентитет и код е со актуелната наставна програма за нашите деца во 6-то одделение.

Во новата програма (слика 2) химната е отстранета и наместо химната, Власта смета дека поважно за ќерка ми (да, и моето дете е 6то одд) е да ја научи и пее Dzelem, Dzelem и албанската Shtatori.

Како врв на ова малоумие е и официјалното објаснување од Бирото за образование дека морало да се исфрли химната од учебниците бидејќи програмата била пишувана после уставните измени?!?, пишува Јаревски.

Албанската полиција заплени 142 канти со сирење шверцувани од Македонија

Албанската полиција во заедничка акција со припадници на Секторот за стопански и финансиски криминал при Полицискиот комесаријат во Елбасан, заплени канти со сирење прошверцувани од Северна Македонија.

Станува збор за 142 канти со сирење, но не се наведува вкупната тежина на запленетата стока.

Шверцуваната стока била откриена на патниот правец Либражд – Елбасан, при контрола на возилото со кое управувал 32-годишен жител на Тирана, кој е приведен.

Доказниот материја е доставен до Обвинителството при Основниот суд во Елбасан, а осомничениот ќе одговара за „трговија и транспорт на шверцувана стока“ и „затајување приходи“. 

Тракторист тешко повреден во сообраќајка во Неготино

Вчера во 18.00 часот на регионалниот пат во с.Неготино, гостиварско, се случила сообраќајна незгода помеѓу патничко моторно возило „ауди“, со тетовски регистарски ознаки, управувано од Т.С.(19) и трактор „имт 533“, управуван од Н.Ј.(40), и двајцата од с.Неготино, гостиварско. Во незгодата со тешки телесни повреди се здобил Н.Ј., кој бил пренесен во Медицински центар Гостивар за укажување на лекарска помош. Увид на местото на незгодата извршила екипа од Полициска станица Гостивар.

Лидерите на најголемите политички партии на лидерска средба за предвремени парламентарни избори

Лидерите на најголемите политички партии денеска попладне во вила Водно ќе имаат лидерска средба, на која повика претседателот Стево Пендаровски откако земјата не доби датум за започнување преговори со ЕУ. Како што најави и премиерот Зоран Заев, во фокусот на лидерската средба ќе биде организирање на предвремени избори.

Пендаровски рече дека добил позитивен одговор од лидерите за средбата, која е најавена за 17 часот.

Премиерот Заев рече дека со недобивањето дамут, ЕУ направила историска грешка, поради што бара брзи предвремени избори на кои, како што рече, граѓаните ќе одлучат по која пат да одиме. 

„Одговорно се исправам пред вашата одлука, сега е потребен вашиот став, немаме време за губење. Предлагам организирање предвремени избори, најбрзо што може, избори на кои вие граѓаните ќе донесете одлука и потврда за патот по кој треба да продолжи нашата земја“, порача Заев во своето обраќање до граѓаните. 

Во врска со шпекулациите кои се појавија во медиумите дека Заев ќе даде оставка, тој кажа дека ги разгледал сите опции. 

„Сите опции беа во мојата глава, јас го почувствував гневот кај нашиот народ. Но реков јас немам право да се откажам да се борам, јас ја сакам својата земја и својот народ и тој ќе одлучи сега дали ќе продолжиме по тој пат. Не сме сјајни, имаме грешки, но нема друг пат. Сè друго е крив пат, сè друго е нешто во кое 27 години се вртевме“, рече Заев.

Популарно