(Фото) Атиџе Муратова со нов имиџ, нашминкана и средена

Медената Атиџе Муратова од македонскиот документарен филм „Медена земја“ кој беше номиниран за Оскар, за многу брзо време ги освои симпатиите на македонската, но и светската публика, но тоа воопшто не ѝ помогна да се се спаси од тешкиот живот.

Неодамна на ТВ Алфа се емитуваше интервју во кое Атиџе зборуваше дека повторно живее во старата куќа, бидејќи со социјаланта помош од 4 илјади денари не може да ја одржува за струја, вода и се што е потребно.

Понекогаш нема ниту храна, а и здраствено не се чувствува добро по повредите откако ја нападна куче. Сепак, таа самата вели дека никогаш не би побарала помош бидејќи се срами. На своја иницијатива, телевизијата објави трансакциона сметка од банка каде може да се донира за Атиџе, а и тие помогнаа во истото.

Пејачкта, водителка и писателка Сузана Турунџиева, периодов е голема поддршка на Атиџе во секоја смисла, која и на својот Фејсбук профил сподели фотографија на која едвај ќе ја препознаете. Средена и нашминкана.

-Оваа жена е бесценета за нашата земја… Најголемото богатство кое таа го поседува е нејзиното ДОСТОИНСТВО и доброто срце…Колку што сум тажна и лута што некои медиуми и поединци со нивните непромислени потези деновиве се обидоа да и го скршат достоинството и да ја прикажат во светло кое таа не го заслужува, толку сум благодарна што во приватни пораки добив еден куп пораки од добри и хумани луѓе кои се подготвени да и помогнат, за да и покажеме дека не е сама, и дека колку сме – толку сме, но секогаш ќе бидеме тука за неа… Ви благодарам на сите, пишува Турунџиева.

Сара Мејс: „Бракот ми беше во криза“

Пејачката Сара Мејс ужива во семејната идила со сопругот, водителот Димитар Атанасовски и нивната ќеркичка Илина, а на социјалните мрежи често знаат да откријат некој приватен момент и како им поминува времето заедно, но сега пејачката проговоре за себеси и откри дека еден период нејзиниот брак бил во криза, односно тоа се случило по раѓањето на нивната ќерка Илина.

„Не ни одеше. Првпат јавно кажувам. Имавме една брачна криза, тоа беше лани до ова време. Неколку месеци беше тешко, беше да се биде или не. После една година не можам точно да се сетам да го детектирам проблемот, но ни беше голема промена моментот кога станавме родители. Ние бевме научени да бидеме 24/7 на работа и со пријатели. И двајцата работиме повеќе работи, улогата да бидеме родители плус ни дојде повеќе, не ни беше јасно, бевме збунети. Кога си во длабока љубов и сакаш да имаш дете, се тоа е прекрасно, но не знаеш што те чека кога ќе дојде тоа дете на ред. Детето станува преоритет“, вели Сара и додава:

„Многу сум благодарна за се’ што ми се случи затоа што многу научив. Научив како да ми е поубаво на самата себе, како да е поубаво на моето семејство. Како да ги разбирам другите“, вели пејачката.

(Видео) По Сара Мејс уште една позната Македонка се проба како актерка во „Преспав“

Една од можеби најпопуларните серии во Македонија, „Преспав“ деновиве со прикажувањето на последната 20-та епизода заврши и петтата сезона.

Откако имавме можност да ја видиме пејачката Сара Мејс, во последната емисија се појави и нашата позната макекенка Катарина Ивановска која веќе има искуство и како актерка, па затоа не мора да кажеме дека Катерина одлично се снјаде во улогата.

За потсетување, преспавци на крајот од последната 20-та епизода имаа незгода, односно пансионот се запали. Дали ќе успеат да го спасат или не изградат нов, оставуваат прашалници за следната сезона која пак исто така е непознато дали ќе се снима.

(Фото) Познато кој ќе ја претставува Македонија на Евровизија оваа година

Македонската радио телевизија официјално објави дека Васил Гарванлиев повторно ќе ја претставува Македонија на Евровизија.

Тој минатата година беше избран за да ја претставува нашата држава на Евровизија, но поради пандемијата со коронавирусот настанот се откажа.

– Според јасно утврдените правила од страна на ЕБУ кои ги обврзуваат националните радиодифузери да селектираат нова песна за Евровизија 2021, а самите да донесат одлука дали минатогодишниот претставник ќе остане истиот и годинава, Македонската Радио Телевизија одлучи задачата да ја претстави Македонија на Евровизија 2021, да остане во рацете на Васил Гарванлиев, се вели во соопштението од МРТ.

„Ретко кога во животот добиваме не само една, туку ТРИ шанси да го оствариме нашиот сон. Во 2019 година гордо стоев зад Тамара; во 2020-тата година ти посветив сè – но Ковид рече не! Во 2021 го користам моето лично патување и приказна за да го ставам срцето во ваши раце преку мојот глас.

Никогаш не престанувајте да верувате, да сонувате и да се борите за она за што се залагате во животот. Соништата навистина се остваруваат!

Благодарен сум за вашата постојана поддршка и едвај чекам да го споделам она што го планираме како македонски тим. Подобро е да бидете подготвени за ова“ , напиша Васил Гарванлиев под објавата на неговиот официјален Инстаграм профил.

Оваа година Евровизија ќе се одржи традиционално, со две полуфинални и едно финале 18, 20 и 22 мај повторно во Ротердам, Холандија.

 
 
 
 
 
 
 
 
 
 
 
 
 
 
 

A post shared by Vasil Garvanliev (@vasilg)

Популарно