Кои видови тестови се користа при вработување?

Се и сешто

на 2.2014

Имате добро CV и мотивационо писмо, добри препораки, повикани сте на разговор, одлично се снаоѓате на интервјуто, меѓутоа постои уште една “пречка” која ве дели од работното место за кое сте аплицирале.

Тестирањето на Вашите способности, интелегенција и квалификации, на работодавачот целосно му ја оформува сликата за Вас и притоа може да донесе конечна одлука. Всушност, преку процесот на тестирање, го потврдувате тоа што сте го навеле во Вашата кратка биографија и сте го разговарале на интервјуто.

По дефиниција, тестирање при вработување е пракса на администрирање пишани, усни или други тестови како средство за утврдување на соодветноста или желбата на кандидатот за вработување. Премисата е тоа дека ако резултатот на тестот е во корелација со бараните перформанси на работното место, тогаш е економски оправдано за работодавачот да селектира кандидат, базирајќи се на резултатот од тестирањето.

rabota

Тестирањето може да го врши интервјуерот, член на секторот за човечки ресурси, менаџерот или друго овластено лице (психолог) за спроведување на тестирање. Работодавачите често користат комбинација од повеќе видови тестови:

  1. 1.       Проценка на перформансите

Преку тестирањето на перформансите се дознава дали апликантот може да ги врши работните задачи, согласно работното место за коешто аплицира. Тестовите одразуваат реални работни задачи, кои кандидатите треба да ги извршат. Тоа се отворени прашања, временски ограничени, на кои кандидатите одговараат со цел да ги докажат своите способности. Најважно прашање на овие видови тестирања е: Како би го решиле овој проблем?

  1. 2.       Тестови на интелегенција

Тестовите на интелегенција и мерење на когнитивните способности се доста користени. Како најчесто применувани тестови се: Векслеровиот индивидуален тест на општа интелегенција (VITI), Кибернетичката батерија на тестови на интелегенција (COG 3), Равеновата матрица и други тестови за вербално и нумеричко расудување.

Во поново време, покрај овие тестови за мерење на општа интелегенција, се користат и други видови алатки за процена на личноста, како: BELBIN team inventory – ја проучува типологијата на личноста и неговата улога во тимот; THOMAS – алатки за проучување на идентитетот; HOGAN inventory – тестови кои го предвидуваат работниот учинок и ја насочуваат кариерата.

rabota 2

  1. 3.       Тестови за познавање на работата

Работодавачите применуваат вакви тестови кога кандидатот е потребно да поседува определено специјализирано или техничко знаење, согласно со работната позиција, пред да биде вработен. Ова тестирање најчесто се применува во дејности како: компјутерско програмирање, правни работи и финансиски менаџмент.

  1. Тестови за процена и расудување на ситуација

Овие тестови служат за предвидување на успехот на потенцијалниот вработен, мерејќи ги атрибутите: решавање на проблем, услужна ориентираност и стремеж за остварување. На кандидатите им е претставено реално хипотетичко сценарио и тие одговараат на прашањето: “Како би постапиле во оваа ситуација?”, со избор на еден од повеќето понудени одговори. Одговорите се бодуваат според нивото на ефективност. Овој тип на тестови се најпопуларни во дејностите, како: продажба на мало, трговија и угостителство.

  1. 5.       Тест за познавање на компанијата

Најчести прашања од овој тип се поставувани за време на интервјуто. Преку нив, работодавачот дознава колку сте запознаени со работењето, организацијата и производите на фимрата/компанијата.

  1. 6.       Тест за компјутерски вештини

Тестирањето на компјутерските вештини зависи од типот на работната позиција за која се аплицира. Спрема тоа, ќе зависи колкаво познавање на компјутерски вештини се очекува од Вас. Најчесто, се бара основно познавање на работа со компјутери, вклучувајќи го тука популарниот пакет на Microsoft Office.

  1. 7.       Тест за познавање на странски јазици

Денес, ретко може да се види оглас каде не се бара познавање на барем еден странски јазик. Работодавачите го тестираат Вашето познавање на странски јазици преку усна конверзација или преку пишани тестови, каде најчесто се тестира граматиката и вокабуларот. Исто така, можат да се применат и тестови на слушање и тестови на читање.

Агенција за привремени вработувања Анторис

www.antoris.com

Глобалниот феномен и светската диџеј сензација HUGEL на 3 август во Охрид

Забава

пред 3 дена

Од сцените на Tomorrowland и EDC до магијата на „Билјанини Извори“, еден од највлијателните диџеи на денешницата, HUGEL, пристигнува во Македонија. На 3 август, Охрид ќе стане центар на глобалната клубска енергија со настап каков што досега не сме виделе на овие простори. 

Со над 1 милијарда стримови на дигиталните платформи, милионски прегледи на социјалните мрежи и бројни први места на Beatport, HUGEL е артист кој го редефинира звукот на денешната електронска музика. Како предводник на Latin и Afro House жанровите, тој ги спојува традицијата и културата на Медитеранот со современиот пулс на светската денс сцена.

Роден во Марсеј, кариерата ја гради во Франција, Шпанија и Ибица, каде што станува резидент во некои од најпрестижните клубови како Pacha и Ushuaïa. Неговиот глобален пробив започнува со “Morenita”, а се зацврстува со синглот “I Adore You”, песна која влезе во германската и британската топ-листа и стана масовен хит на TikTok и Instagram со над 36 милиони прегледи.

HUGEL е артист со статус на глобален феномен, со настапи на најпрестижните светски фестивали како Tomorrowland, EDC Las Vegas, Lollapalooza, Mysteryland, Parookaville и World Club Dome. Тој важи за еден од највлијателните диџеи на современата денс-сцена.

Концертот на HUGEL во Охрид ќе биде продукциски усогласен со светските стандарди. Организатори се Intermezzo Music Rituals во соработка со „Прагма продукција“ кои најавуваат: високотехнолошка светлосна продукција, мултидимензионални ласерски ефекти, LED визуелизации и сценски дизајн инспириран од светските фестивалски подиуми, саунд систем од највисок ранг и внимателно осмислен амбиент кој ќе понуди целовечерно аудиовизуелно доживување.

Публиката ќе има можност да ги доживее во живо траките што се вртат во сите клубови од Мајами до Берлин. Освен “Morenita” и “I Adore You”, HUGEL ќе изведе сет исполнет со неговите најнови ремикси и неиздадени продукции.

Ова лето, Охрид ќе стане дел од светската мапа на електронската музика. Еден од највлијателните диџеи на нашето време, HUGEL, го избра „Билјанини Извори“ како своја следна дестинација и тоа во екот на неговата најголема светска турнеја.

Бројот е строго ограничен, а интересот е очекувано огромен, затоа резервирајте го вашето место навреме. 

Картите се веќе пуштени во продажба преку продажната мрежа на www.kupikarta.com и кај Аждер, а првите 100 билети ќе бидат достапни по промотивна цена од 1.500 денари.

Линк за карти: https://kupikarta.com/event-details.nspx?eventid=5675

Кратово по седми пат ќе биде домаќин на Фестивалот „Златни денови“

Се и сешто

пред 4 дена

„7“ Е БРОЈКА ЗА СРЕЌА И РАДОСТ!!! Во тој правец е и овогодинешното издание на Фестивалот Златни денови. Фестивалот веќе е дел од традицијата и традицоналната понуда на градот Кратово, најстариот град во Македонија.

И не треба да се има сомнеж дека оваа приказна цели кон убава бескрајност, а со нетрпение се очекува бескрајно убава да биде и забавата во овогодинешното издание кое ќе се лучи следниот викенд , 11 и 12 јули.

Гаранција за тоа треба да биде и внимателно одбраната програма во која се артисти од сите жанрови и за сите генерации.

Балканската ѕвезда Наташа Беквалац, Тајзи, Мартинијан Кириловски, Мерак Меаната со Анета Љумаковска, Даце, Тања Стефановска, Марјан Коцев, Адријана Кеш, потоа Боби Павловски, полноќните диско вечери и останатите бројни артисти се гаранција за бескрајно задоволство на кратовчани и посетителите од Македонија и регионот.

11 ти и 12 јули - Посетете го Кратово и бидете дел од забавата наречена „Златни денови 2025”.

Како растевме, што преживеавме и каде сме денес: 2Бона го објавија ‘94 - прв чаптер!

Забава

пред 4 недели

По неколку месеци интензивна работа, македонското дуо 2БОНА на стриминг платформите го пласираа “Chapter 1” - првиот дел од албумот со наслов ‘94 – проект кој дава старт на летото на 2025 година и внесува свежина во регионалната музичка сцена.

2Bona го претставуваат првиот чаптер од новиот албум ‘94 кој што раскажува моќна музичка приказна за генерацијата која остави трага.

Албумот „94“ е инспириран од годината на раѓање на Кун и Тони, и претставува интимен, но истовремено енергичен белег на генерациите што растат помеѓу дигиталниот свет. Секоја песна носи дел од нивното лично и музичко созревање, измешано со современи битови, улична естетика и емотивни текстови.

Во овој прв дел може да се слушнат и видат 6 песни и 6 видео записи за истите - “Еверест”, “Ради реда”, “Лето”, “Еурека”, “Сука” и “Мозаик”

Мнозинството од песните од овој чаптер се колаборации со македонски артисти вклучувајки ги Тајзи, Барбара Поповиќ и младите артисти на Горила ТВ - Шаро, Инсерта, Фико, Муфи и Вански.

Во продукцијата учествуваа продуцентите Лазар Цветковски, Иле Спасев, Марио Јелиќ - Кун и Филип Андреев кои овој албум го обележаа со уникатен и квалитетен звук. 

„Со ‘94’ сакавме да ја раскажеме нашата приказна – како растевме, од каде почнавме, што преживеавме, и каде се наоѓаме денес. Овој албум не е само за нас, туку за секоја генерација која се бори да остави белег,“ – велат Кун и Тони. 

Албумот е достапен на сите стриминг платформи, вклучувајќи Spotify, Apple Music, YouTube Music и Deezer

Со „94“, 2Бона сакаат да пренесат јасна порака дека музиката може да биде и вистинска уметност но, и глас на генерацијата. 

Уживајте во првиот Chapter 1:

Популарно