Денеска е понеделник, 26 септември 2016 година, 270-иот ден во годината. До крајот на годината остануваат уште 96 дена.

Сонцето во Скопје изгреа во 6 часот и 24 минути, а ќе зајде во 18 часот и 25 минути.

Денов трае 12 часа и 1 минута.

Месечината, која е во фаза на последна четвртина, ќе изгрее во 1 часот и 42 минути, а ќе зајде во 16 часот и 2 минути.

Временска прогноза

Времето денеска ќе биде променливо облачно, претпладне со повеќе сончеви периоди. Ќе дува слаб до умерен претежно северен ветер. Од пладневните часови ќе има зголемена облачност од која понекаде во планините е можна и појава на слаб краткотраен дожд. Минималните температури од 2 до 10 степени, а максималните од 18 до 25 степени.

Во Скопје, сончево, со мала до умерена облачност и со слаб до умерен северен ветер. Попладне ќе има краткотрајно зголемување на облачноста. Температурата во интервал од 8 до 21 степени.

Во наредните денови продолжува периодот на сончево време со мала до умерена облачност и со свежи, на места и студени утра. Дневната температура ќе биде без значителни промени. Од вторник облачноста сосема ќе се намали и од среда до крајот на работната недела па и во првиот ден од викендот ќе биде претежно сончево и малку потопло.