Многу домаќинки мака мачат кога ќе дојде време за  миење на микробрановата, затоа што за да ја измиете морате добро да се намачите и под разни агли да ги буткате рацете во отворот на рерната. Прашање е дали и тогаш ќе го дофатите секое ќоше. По овој трик повеќе нема да морате да го одложувате миењето на рерната, а се што ви е потребно е сад со вода и вински оцет.

Во садот со вода и оцет, ставете чечкалица за заби или дрвена лажичка (никако метална) и загрејте ја течноста на 10 минути на висока температура. Вашата микробранова ќе биде цела со пареа, додека течноста ќе испари и ќе ги омеклне деловите заостанати од тврдата храна, кои се закачиле во внатрешноста на апаратот.

Потоа со влажен сунѓер отстранете ги трагите од храна и вашиот уред ќе блесне и ќе биде чиста како кога сте го купиле.