Минчо Јорданов повеќе не е на врвот - Кој е најбогатиот Македонец?

на 5.2016

По три години на тронот, Минчо Јорданов повеќе не е на првото место на најбогати луѓе во Македонија. Од тронот, според Форбс го го тргна Јордан. Во овогодинешната листа на најбогати што ја објави угледниот економски весник Форбс насловена како младоста го победи искуството има рокада во топ петте најбогати.

1. Со 22,8 милиони евра вредност на компаниите во сопственост на Јордан Камчев како што се Кара, Орка, Стопанска банка Битола, Бетон Штип. Камчев изби на првото место на најбогати. Мината година Камчев успеал да го зголеми капиталот за повеќе од три милиони евра.

Некои го обвинуваар дека клучна прична за успехот се блиските релации што Камчев ги има со ВМРО -ДМНЕ, на што тој одговара дека благодарение на оваа партија ништо нема земено, пишува Форбс.

2. На второ место со 22,5 милиони евра колку што чинат Макстил, Бетон и Факом. Кралот на челикот Минчо Јорданов, падна на второ место. За најстариот бизнисмен во најбогатата петорка минатата година се покажа тешка. За само една година од 2014 па се до крајот на 2015 година Макстил изгуби од својата вредност 5,6 милиони евра , и 2015 година ја заврши со пад на приходите од 20% во однос на 2014 година. Забавувањето на Кинеската економија, која е клучен пазар за челикот, санкциите на Европа кон Русија, но и инвестицискиот циклус што Макстил го спорведе во инсталирање на филтри на оџаците го зема данокот поради што Јорданов се најде едно место пониско.

3. Со вкупната вредност на акциите на Макпретрол и Олико од 20 милиони евра Форбс го рангираше Андреја Јосифовски на третото место. Не остана не забележана од Форбс и истргата што ја покренаа МВР и Јавното обвинителство, кои според многумина, пишува Форбс , се толкува како обид од страна на владеачката структура да го дисциплинира Јосифовски, кој е сопственик на Телма, што е еден од ретките критички медиуми спрема владата пишува весникот.

4. На четврто место со вредност од 13,3 милиони евра на Прилепска Пивара и сопственост од контролниот пакет на акции од 74% е Сашо Самарџиски.

5. На пето последно место со 9,8 милиони евра колку што чини Алкалоид според вредноста на акциите се најде Живко Мукаетов. Тој успеа во 2015 да ја зголеми пазарната вредност на Алкалоид за 127 милиони евра или за 20% во споредба со 2013 година.

Според висината на остварените приходи во 2014 година во топ 10 се најдоа Џонсон Мети со приход од 936 милиони евра, повеќе од двојно помалку или со приход од 394 милиони евра на второто место е ЕВН, на трето Окта, Макепетрол, ЕЛЕМ, Фини индустри, Македонски Телеком, Лукоил, Т- мобил и Алкалоид.

Киднапиран, избоден и претепан скопјанец – Еден од напаѓачите негов колега

Црна хроника

пред еден час

Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.

Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.

Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.

Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.

Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.

Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.

Денес е Велика Сабота - денот меѓу смртта и воскресението

Религија

пред еден час

Сабота, значи покој. Велика Сабота е ден на покојот, ден на Покојникот, ден на Најголемиот покој и на Најголемиот Покојник. Велика Сабота е денот меѓу смртта и воскресението, меѓу Петок и Велигден, денот што ги спојува распнувањето и радоста. Денот на Големиот Покој е времето кога Христовото тело е во гробот. Покојникот е внатре од вчера. Овој е втор ден на нашата жалост, тага и молк. Ден на длабоко молчание, созерцание и покој. Овој е денот на оплакувањето на Покојникот. Тогаш, Мајка Му – Пресветата Богородица и жените мироносици, по погребението, Го оплакувале Господа Исуса Христа. Денес се изразува болката, тагата и жалоста на Пресвета Богородица. За нас, па, ова е ден за сози на љубовта и благодарноста.

Велика Сабота е определена како Ден за чување на гробот. Денес сите сме крај Христовиот гроб. Се поклонуваме пред Плаштаницата, на која е претставено телото Господово при погребението, и положено во гробот. Тоа е украсениот гроб Христов, на сред црква, пред кој стоиме и молчешкум се молиме. Се протнуваме под неа на колена, со понизност. Го чекаме Воскресението. Ова е ден за прославување на неискажливата љубов од Богочовекот кон луѓето. Велика Сабота е ден на исчекување, ден на свештен трепет пред Христовото Воскресение. Смртта не може да Го задржи самиот Живот – Животодателот. Саботата е денот кога, во почетокот, Бог, откако го завршил создавањето на светот и човекот, видел дека е сè добро и се успокоил, се одморил, отпочинал и овој ден станал ден на покојот. Исто така и Христос го завршил Своето богоспасително дело до Петокот попладне и во Саботата, успокоен, во божествен покој лежел во гробот, заспан во смртен сон. Велиме заспан, затоа што и Он така рече за умрената девојка која ја воскресна од мртвите, а на луѓето што плачеа им рече: „Девојката не е умрена, туку спие“ (Матеј 9, 24; Марко 5,39; Лука 8,52).

Велика Сабота е крајот на празничноста на саботата, оттогаш престанува саботата да биде основниот празник, бидејќи потоа ќе се празнува неделата – денот на Воскресението и спасението, денот на христијанството и на новата ера, денот по Христа. Денес одбележуваме три вашни настани: упокоението и престојот на Христа во гробот, чувањето на гробот со стража и Христовото слегување во адот (пеколот) и отворање на рајот. Богослужбата е поврзана со содржините од Библијата. Најпрво, пред плаштаницата, се читаат текстови од пророкот Језекиил: пророштвото за воскресението од мртвите (Језек. 37,1-14), а по нив, Апостолот ни кажува за тоа дека треба да го отфрлиме стариот квас, „оти Христос, Пасхата наша, се закла за нас“ – „Христос нè искупи од клетвата на Законот“ (1. Кор. 5,6-8; Гал. 3,13-14) и најпосле, Евангелието говори за запечатувањето на гробот и поставувањето стража (Матеј 27,62-66). На Литургијата, пак, се чита Евангелието за Христовото воскресение (Матеј 28,1-20) и богослужбено оттогаш започнува Воскресението.

Во Ерусалим, на Велика Сабота, во гробот Господов, катагодина се случува чудо: Бог го дава Светиот благодатен оган на Ерусалимскиот патријарх и преку него, на сите луѓе. Од гробот Христов, верниците го разнесуваат огнот до сите домови во Светата Земја, а поклониците (аџиите кои биле таму) го носат низ целиот свет. Цел свет се осветлува со светлината на Христовото воскресение и светлината на Христа – Сонцето на правдата и радоста. На трпезата строг пост. Велика Сабота е единствената сабота во годината, кога постот е строг и не се јаде зејтин. Но, за поткрепа на оние што се на целодневната молитва, допуштено е и вино.

(Фото) Внукот на Тоше, Кристијан преку фотогалерија му оддаде последна почит на својот дедо

Се и сешто

пред 15 часа

Внукот на Тоше Проески, Кристијан кој уште од мал е познат во јавноста, по загубата на својот дедо Никола Проески преку фотогалерија му одаде последна почит на својот Инстаграм профил.