Матурант прегази деветгодишно дете, почина на лице место

Голема трагедија ја потресе Хрватска, кога деветгодишно момче беше прегазено од матурант и почина на лице место.

Директорката на училиштето ја потврдила веста и изразила сочувство до родителите на детето.

Таткото на детето напиша: Мојот син е сега со ангелите. Со оваа објава го растажи регионот.

Малото момче се викало Патрик.

Три дечиња изгореа во пожар

Страшна трагедија попладнево го потресе Велес. Според сознанијата на ТВ 24, во пожар кој избил нешто пред 17 часот изгореа три дечиња на една, две и петгодишна возраст. 

Според првичните информации, куќата во која се случил пожарот се наоѓа на непристапен терен во Велес. Куќата е дива градба, најверојатно се работи за социјално загрозено семејство.

Се очекуваат детали.

Наседнале на измама и ги оставиле податоците од кредитните картици

Граѓани вчера масовно купуваа авионски билети од лажна интернет страна, а кога сфатиле дека станува збор за измама вртеле во банките да им ги блокираат картичките.

На социјалните мрежи се појави лажна интернет страна со слично име како нискобуџетната авиокомпанија „Визер“ на која пишува дека нудат два авионски билети само за еден долар. Оваа промоција, како што стоеше на сајтот, е во рамките на одбележување на 15-годишнината на авиокомпанија.

Голем број граѓани наседнаа на оваа лажна страна и на своите Фејсбук профили објавуваа дека купиле билети и му се заблагодаруваа на „Визер“ за промоцијата. При купување на картите тие на лажната страна ги внесуваа и податоците од картичките.

Но, за кусо време, дел од граѓаните кои купиле билети открија дека станува збор за измама и лажна интернет страна, па масовно вртеле по банките да им ги блокираат картичките.

„За сите што аплициравте за два билети на „Визер“ за еден долар и ги оставивте оригиналните податоци од вашата картичка под итно да се јавите во банка да ви ги блокираат картичките ако не сакате да се разбудите со нула денарите на вашата сметка“, пишуваа граѓани на социјалните мрежи откако открија дека станува збор за измама.

Во Министерството за внатрешни работи велат дека до сега кај нив никој не пријавил случај за лажната страна.

„Ние постапуваме доколку има пријава до нас. За овој случај со продажба на билети за еден долар од „Визер“ немаме пријава“, велат од МВР.

СТРАВИЧНИ ФОТОГРАФИИ: Експлодра џип во движење во Белград

Експлозија денес во Белград, според очевидците на местото на несреќата во автомобилот има мртво тело, а се работи за Синиша Милиќ.

45-годишниот Синиша Милиќ во Белград загинал во автомобилот марка „тојота” кој експлодирал најверојатно откако бомбата била активирана со далечински управувач или мобилен телефон.

Се претпоставува дека убиството било испланирано до најситни детали. Имено, бомбата била активирана кога тој стоел на црвено светло на семафор и во близина немало други автомобили. Најверојатно со ликвидацијата се сакало да нема и други жртви. Се смета дека бомбата била поставена под седиштето и насочена кон возачот.

Милиќ се поврзува со криминална група од Србија и имал дебело полициско досие.

Очевидците тврделе дека убиениот очајнички барал помош се додека не им подлегнал на повредите. Итната медицинска помош можела само да ја констатира смртта на Милиќ.

Гостите во блискиот локал рекле дека се се затресило наоколу, во моментот на експлозијата.

Популарно