Фото-Видео: Од собраќајната несреќа во која загина Шабан Шаулиќ

По страшната сообраќајана несреќа која се случи утринава во Германија во која животот го загуби познатиот српски пејач Шабан Шаулиќ, се огласи и германската полиција.

Полицијата соопшти дека сообраќајна несреќа била предизвикана од возач кој бил во алкохолизирана состојба.<Како што посочија од полицијата, автомобилот марка „Мазда 6“, кој удрил во возилото „Сеат Ибица“, во кој бил Шаулиќ, го управувал со 34-годишен Германец.Полицијата исто така соопшти дека по несреќата било извршено тестирање над возачот, при што анализите покажале дека тој бил под дејство на алкохол, а исто така не поседувал ниту возачка дозвола.</p><p>До несреќата дошло откако автомобилот „Мазда 6“ удрил во задната страна на возилото „Сеат Ибица“, и од јачината на ударот двете возила удриле во банкините крај автопатот.Германските медиуми објавија и видео од местото на несреќата.

Најпрвин беше соопштено дека четири лица се пренесени в болница, но набрзо се објави и информацијата дека едно лице им подлегнало на повредите.Германската полиција не соопшти официјално дека станува збор за Шаулиќ, но веста за српските медиуми била потврдена од извори блиски до семејството на пејачот.Како што информираат српските медиуми, автопатот бил блокиран цели пет часа по незгодата. Порталите пишуваат дека со него бил и неговиот кум, кој е повреден.Несреќата се случила околу 6:50 часот наутро a aвтомобилот во кој се наоѓал Шаулиќ се движел во правец на Дортмунд.

Жена се обидела да прошверцува цигари вредни половина милион динари, фатена на „Прешево“

Патничка се обидела да прошверцува над 1.700 кутии цигари во автобус од Северна Македонија за Австрија на граничниот премин Прешево-Табановце, соопшти денеска Царинската управа на Србија.

Цариниците го откриле прекршокот на 16. март во соработка со полицијата. Патничката се обидела во нејзините чанти да прошверцува цигари вредни половина милион динари.

Случајот бил откриен кога автобус кој сообраќал од Северна Македонија кон Австрија бил издвоен за детален преглед на влез во Србија.

Иако возачите и патниците претходно изјавиле дека носат само личен багаж, при контролата во просторот за багаж биле пронајдени три големи торби полни само со цигари.

Во торбите, за кои една од патничките се пријавила дека е сопственик биле пронајдени 1.730 кутии цигари „Честерфилд“ со акцизни маркички од Северна Македонија,.

Цигарите, чија вредност се проценува на речиси половина милион динари, со судска одлука се трајно одземени, додека за сторен прекршок на патничката и е изречена парична казна.

Нови цени на горивата од полноќ

Цената на дизел горивото ЕУРОДИЗЕЛ (Д-Е V) од ноќеска на полноќ се намалува за половина денар за литар, бензинот ЕУРОСУПЕР БС-95 поскапува за половина, а ЕУРОСУПЕР БС-98 за еден денар за литар, додека цената на Екстра лесното масло за домаќинство (ЕЛ-1) не се менува, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши зголемување на малопродажните цени на нафтените деривати во просек за 0,13 отсто.

Новата малопродажна цена на ЕУРОДИЗЕЛ БС (Д-Е V) е 76 денари за литар, ЕУРОСУПЕР БС - 95 ќе се продава за 83, а ЕУРОСУПЕР БС - 98 за 85,5 денари за литар, додека цената на Екстра лесното масло за домаќинство (ЕЛ-1) и останува 75 денари за литар.

Со одлуката на РКЕ за 0,222 денари за килограм се намалува малопродажната цена на Мазутот М-1 НС и ќе изнесува 43,797 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,891 отсто, кај дизелот за 0,594, кај екстра лесното масло за 0,566 и кај мазутот за 0,314 отсто. Курсот на денарот во однос на доларот по кој беа формирани цените со претходната пресметка е понизок за 0,817 отсто.

Тесла, БМВ, Ауди и Мерцедес, запленети нецаринети возила управувани од Македонци

Во дводневна заедничка акција на Секторот за контрола и истраги при Царинска управа и Министерството за внатрешни работи запленети се 22 патнички моторни возила со странски регистарски таблици управувани од македонски државјани.

Запленетите возила се од различни марки, а меѓу нив, четири ПМВ се марка МЕРЦЕДЕС, три ПМВ се марка АУДИ, две ПМВ се марка БМВ, едно патничко товарно возило е марка ТЕСЛА и др., а сите возила биле управувани од македонски државјани на територија на Република Северна Македонија повеќе од 6 месеци.

Против сторителите на прекршоците ќе биде поднесено Барање за поведување прекршочна постапката до надлежниот суд.

Имено, во согласност со законските надлежности на Царинската управа, кои се во согласност со критериумите и условите пропишани во Истанбулската конвенција за привремен увоз, одредби од Царинскиот закон и одредби од Уредбата за спроведување на Царинскиот закон, граѓаните на РСМ и странците можат привремено да внесат и да управуваат возило на територијата на Република Северна Македонија за време на нивниот престој, но, најмногу 6 месеци во период од 12 месеци, по што возилото мора да ја напушти територијата на Република Северна Македонија.

Во спротивно ќе треба да се пријават на најблиската царинска испостава во местото каде привремено престојуваат и да започнат соодветна царинска постапка за увоз или привремен увоз на возилото.

Популарно