ФОТО: Ова се ќерките на Путин

Владимир Путин прв пат јавно проговори за ќерките на крајот на традиционалната годишна конференција.

Поранешниот КГБ-ов агент кој владее со Русија од 1999 година во оваа ретка прилика прв пат проговори јавно за своите ќерки, соочен со прашањата на новинарите на крајот на традиционалната годишна конференција.

Тој рече дека Марија Путина(32) и Екатерина Путина (31) живеат во Русија, но нивниот избор бил да се засолнат од очите на јавноста и политиката.

-Тие ги прават првите чекори во своите кариери и добро напредуваат.Не биле деца на ѕвезда, никогаш не уживале во камерите и рефлекторите вперени во нив.Тие само сакаат да го живеат својот живот-изјави харизматичниот Путин.

Путин ќерките ги добил во бракот со поранешната жена Људмила од која се развел 2014 година, иако постојат шпекулации дека со друга жена има уште една ќерка и син.

-Не само што живеат во Русија, тие никогаш не се образувале никаде надвор од својата земја. Горд сум на нив бидејќи продолжуваат да студираат и работат, а моите ќерки течно зборуваат три европски јазици-додал тој.

Иако тоа Путин не го потврди, медиумите пишуваа дека Марија завршила медициснки факултет во Москва. Марија наводно се омажила во 2012 година, а податоците за нејзината професија и приватен живот се строго чувана тајна на моќниот Русин, кој напросто не сака да влегува во детали или да ги открива на јавноста.

Другата ќерка Екатерина, својата приватност наводно успеала да ја заштити со користење на презимето Тикхамова, кое го зела од баба и. Таа е вработена на московскиот универзитет, каде работи како заменичка на проректорот. Дипломирала ориенталистика, после што ја продолжила кариерата факултетот, каде подоцна и се вработила.Омажена е за богат руски банкар, 33 годишнито Кирил Шамалов, чиј татко е дологодишен пријател на Путин. Таа е и акробатка.

Во Франција осудени две жени за клевета бидејќи тврделе дека Брижит Макрон е транссексуалка

Судот во Париз две жени прогласи за виновни за клевета две жени кои интернет го споделувале тврдењето дека сопругата на францускиот претседател Брижит Макрон е трансродова жена.

Двете жени се осудени на парична казна од по 500 евра, чие плаќање е условно. Исто така, им беше наложено да и платат отштета од вкупно 8.000 евра на Брижит Макрон и 5.000 евра на нејзиниот брат Жан-Мишел Троњо, кои беа тужители во судскиот процес, кој почна во јуни минатата година.

Ова не е победа, туку нормална примена на законот, изјави адвокатот на Брижит, Жан Еноки.

За време на судското рочиште во јуни, адвокатот ја истакна „огромната“ штета предизвикана од оваа кампања со дезинформации, што стана позната низ светот. Тој додаде дека судски постапки се водат и во Франција и во странство.

Случајот се заснова на лажни вести што се појавуваа на социјалните мрежи по изборот на Емануел Макрон за претседател во 2017 година, во која се тврдеше дека Брижит Макрон (роденото Троњо) никогаш не постоела и дека нејзиниот брат Жан-Мишел го презел тој идентитет, по го сменил полот.

Двете жени одиграа клучна улога во промовирањето на приказната во 2021 година споделувајќи на интернет „интервјуто“ на Наташа Реј објавено на „ЈуТјуб“.

Велика Британија денеска привремено пушта на слобода околу 1.750 затвореници

Велика Британија го започна предвременото ослободување на околу 1,750 затвореници, и покрај предупредувањата дека тоа е „ризично“ и може да создаде „хаос“.

Овој потег е направен за да се ослободи простор во преполните затвори. Британската влада вели дека немало алтернатива и дека се заканувал „целосен колапс на казнено-поправниот состав“.

Главниот управник на британските затвори, Чарли Тејлор, предупреди дека тие може да станат „ротирачки врати“. „Ова е ризично време бидејќи толку многу затвореници излегуваат во исто време.

Нормално е да се ослободуваат околу 1,000 затвореници неделно. Повеќето од тие илјада ќе бидат ослободени оваа недела.

Но, згора на тоа, имаме уште 1,700 други затвореници кои излегуваат“, истакна Тејлор за Скај њуз.

Објаснувајќи ја одлуката, министерката за правда Шабана Махмуд рече дека наследиле „затворски систем на работ на колапс“. „Ова не беше промена што сакавме да ја направиме.

Тоа беше единствената опција што остана на маса бидејќи алтернативата ќе значеше целосен колапс на кривично-правниот систем“, рече Махмуд.

Предвременото ослободување нема да важи за сексуални престапи, тешко насилство и терористички казнени дела, како и некои случаи поврзани со семејна злоупотреба.

Владата вели дека ја објавила одлуката што е можно поскоро за да им даде време на службите да се подготват. Британските затвори минатата недела достигнаа рекордна популација од повеќе од 88,500.

Пронајдени шест тела на мигранти близу Сицилија

Се претпоставува дека телата им припаѓаат на некои од пријавените 21 исчезнати мигранти при бродолом на почетокот на септември

Италијанската крајбрежна стража пронајде шест во близина на брегот на Сицилија. Властите засега само претпоставуваат дека станува збор за дел од исчезнатите луѓе на брод со мигранти кој потона на почетокот на месецот. Според исказите на преживеаните, како изчезнати се водат 21 лице.

Во средата италијанските власти објавија дека нашле група од седум луѓе, сите мажи со пасош од Сирија, во полу-потонат брод. Преживеаните им кажале на спасувачите дека тргнале од Либија на 1 септември, со вкупно 28 лица на бродот. Меѓу патниците имало и три деца. Ги фатило невреме од кое 21 патник паднал во морето.

Италијанските медиуми објавуваат дека засега само се претпоставува дека денеска најдените тела се дел од 21 исчезнати патници, меѓудругото и поради координатите на локацијата на која се најдени.

Средниот Медитеран е една од најсмртоносните мигрантски рути во светот. Според Агенцијата за миграција на Обединетите нации, над 2 500 мигранти загинале или се исчезнати во обид да поминат кон Западна Европа само минатата година. Од почетокот на оваа година, избројани се 1 116 жртви.

Според бројките на Министерството за внатрешни работи на Италија, пак, само годинава на околу 43 000 мигранти им успеало да го поминат Средоземното море и да стигнат до италијанско копно. Иако бројката изгледа голема, таа е многу пониска споредено со минати години.

Популарно